10-16 qyrkúıek aralyǵynda Reseı men Belarýs elderiniń aýmaǵynda «Batys-2021» birlesken strategııalyq oqý-jattyǵýy ótedi, dep habarlaıdy Egemen.kz QR Qorǵanys mınıstrliginiń resmı saıtyna silteme jasap.
Oǵan Qazaqstan Respýblıkasy Qarýly Kúshteriniń Desanttyq-shabýyldaý áskerlerinen 100-den astam áskerı qyzmetshi qatysady.
Zańsyz qarýlanǵan quramalarǵa kúres júrgizýge baǵyttalǵan birlesken manevrler eki kezeńde ótedi. Onda arnaıy jaýyngerlik operasııalardy júrgizýdegi ózara is-áreketti uıymdastyrý jáne jan-jaqty qamtamasyz etý máseleleri pysyqtalady. Komandırler kópultty kúshter quramynda bólimshelerdi basqarý daǵdylaryn jetildiredi. Jeke quram zańsyz qarýlanǵan quramalarǵa barlaý-izdestirý is-qımylyn, buǵattaýdy jáne joıýdy júrgizedi.
«Batys-2021» birlesken strategııalyq oqý-jattyǵýy barysynda Reseıdiń eki polıgonynda jáne Belarýs eliniń bes polıgonynda áskerlerdiń praktıkalyq is-áreketi ótedi.