Úkimet Inflıasııaǵa qarsy áreket etý jónindegi sharalar keshenin ázirledi. Bul týraly Úkimet otyrysynda Premer-Mınıstr Asqar Mamın málim etti, dep habarlaıdy Egemen.kz.
«Úkimet Inflıasııaǵa qarsy áreket etý jónindegi sharalar keshenin ázirledi. Birinshiden, azyq-túlik ınflıasııasyn tejeý jónindegi jedel sharalar aıasynda ekonomıkanyń sektorlarynda qun belgileýdiń búkil tizbeginde baǵany turaqtandyrý boıynsha naqty sharalar qabyldanady. Áleýmettik mańyzy bar azyq-túlikti satyp alý uıymdastyrylyp, «Azyq-túlik kelisimshart korporasııasynyń» qaıta óńdeýshiler úshin shıkizattyń boljamdy ári turaqty baǵasyn qamtamasyz etýdegi róli keńeıtiledi», dedi A. Mamın.
Onyń aıtýynsha, óndirýshilerge jeńildikpen kredıt pen sýbsıdııa berý mehanızmderi keńeıtilip, agroónerkásiptik keshen ónimderin saqtaý ınfraqurylymyn salý úshin sýbsıdııalaý normalary ulǵaıtylady.
«Áleýmettik mańyzy bar azyq-túlik satýshylar úshin jaldaý aqysy tómendetiledi. Eldegi О́ndirýshilerdiń biryńǵaı tizilimin jasaý jáne baǵany monıtorıngteý jónindegi taldamalyq platformany iske qosý óńirlerde ınflıasııanyń kúrt ósý faktilerine dereý áreket etýge múmkindik beredi», dedi Úkimet basshysy.