«Qazaqstanda benzın baǵasy qansha paıyzǵa arzandaǵanyn Básekelestikti qorǵaý jáne damytý agenttiginiń tóraǵasy Serik Jumanǵarın Úkimet otyrysynda aıtty, dep habarlaıdy Egemen.kz.
«Búgingi tańda AI-92 markaly benzın baǵasyna baılanysty naryqta turaqtylyq baıqalady. Iri jelilerdiń satý baǵasy 175 tg/l aspaıdy. Agenttik óńirlik benzın satýshylarǵa jáne «Petro retail», «Sınoıl» jáne «Gelıos» 3 iri jelilerine 14 habarlama joldady. Barlyq habarlama oryndaldy. Jalpy, respýblıkada benzın baǵasynyń tómendeýi orta eseppen 3% - dy qurady», dedi ol.
Jumanǵarın búgingi kúni iri jelilerdiń satý baǵasy 200 tg/l-den aspaıtynyn aıtty.
«Agenttik óńirlik dızel otynyn bólshek saýdada ótkizýshilerge 19 habarlama jáne 4 iri jelige: "Gazpromneft-Qazaqstan" JShS, "Petro retail" JShS, "Sınoıl" JShS jáne "Gelıos"JShS shyǵardy. Barlyq habarlama oryndaldy. Sonymen qatar 1 shildeden bastap dızel otynyna aksız 540-tan 9 300 tg/t deıin óskenin atap ótken jón, bul baǵaǵa orta eseppen lıtrine 8 teńgege deıin áserin tıgizedi», dedi ol.