Qazaqstan Elshisi Jalǵas Ádilbaev Mońǵolııa Prezıdentiniń syrtqy saıasat jónindegi keńesshisi Erdenesogt Odbaıarmen kezdesti, dep jazady Egemen.kz.
Kezdesý barysynda otandyq dıplomat mońǵol tarapyna Prezıdent Qasym-Jomart Toqaevtyń «Halyq birligi jáne júıeli reformalar – el órkendeýiniń berik negizi» atty Qazaqstan halqyna jyl saıynǵy Joldaýyn jarııalaǵynyn habarlady. Sondaı-aq Elshi memleket basshysy pandemııadan keıingi kezeńde eldi odan ári damytýǵa, densaýlyq saqtaý júıesiniń tıimdiligin arttyrýǵa, sapaly bilim berýge, óńirlik saıasatty jetildirýge, eńbek naryǵynda tıimdi ekojúıeni qurýǵa, saıası jańǵyrtýǵa, adam quqyqtaryn qorǵaýǵa jáne qoǵamdy shoǵyrlandyrýǵa baǵyttalǵan birqatar bastamalardy kótergenin atap ótti.
Sonymen qatar taraptar halyqaralyq taqyryptardyń keń aýqymdy máselelerin talqylady. Qazaqstan men Mońǵolııanyń BUU, AО́SShK jáne AEHA sııaqty halyqaralyq uıymdar sheńberindegi ózara árekettesý taqyryby basty nazarda boldy.
Budan basqa, mońǵol tarapy ǵylymı derektermen almasý jáne birlesken jobalardy ázirleý arqyly medısınalyq dıplomatııa salasyndaǵy ekijaqty yntymaqtastyqty keńeıtý men nyǵaıtýdy usyndy.
Kezdesýdiń qorytyndysynda taraptar syndarly baılanystardy odan ári saqtaýǵa jáne damytýǵa nıetti ekkenin rastady.