Belgisiz bireýler Kanada Premer-Mınıstri Djastın Trıýdoǵa usaq tastar laqtyrdy. Oqıǵa Londondaǵy (Ontarıo) saılaýaldy sharanyń sońynda bolǵan, dep habarlaıdy Egemen.kz.
Kanadanyń CBC habar taratý agenttiginiń habarlaýynsha, Lıberaldyq partııanyń jaqtastarymen kezdesýge onyń saıasatymen kelispeıtin azamattardyń úlken toby da kelgen.
Olar koronavırýs ınfeksııasyna qarsy mindetti vaksınasııaǵa narazylyq bildirip, el turǵyndarynyń quqyǵy men bostandyǵyn qorǵaýdy talap etken. Bul jaıly álemdik BAQ jazdy.
Sonymen qatar narazy top saıasatkerge baılanysty urandar aıtty. Al tastardyń bir bóligi Trıýdoǵa, bir bóligi onyń kúzetshilerine tıgen.
Bir ýys tasty avtobýsta otyrǵan Premer-Mınıstrge qaraı laqtyrǵan sát túsirilgen vıdeo áleýmettik jelilerde taralyp ketti.
Buǵan deıin osy sekildi narazylyq saldarynan Premer-Mınıstr Ontarıo shtatynyń Bolton qalasynda ótetin sharadan bas tartýǵa májbúr bolǵan edi.
Aıta keteıik, Kanada 20 qyrkúıekte merziminen buryn parlamenttik saılaýdy ótkizýdi josparlap otyr.