Sanıtarlyq-epıdemıologııalyq baqylaý komıteti tóraǵasynyń orynbasary Záýre Ahmetova oqý jylynyń basynan beri koronavırýstyq ınfeksııa juqtyrǵan oqýshylar jaıly aıtty, dep habarlaıdy Egemen.kz.
«Bilim berý uıymdaryndaǵy sanepıdsıtýasııany baqylaý máselesi basty máselelerdiń biri bolyp tabylady. Oqý jylynyń basynan beri syrqattanýshylyqtyń 426 jaǵdaıy tirkeldi. Árbir jaǵdaı boıynsha epıdemıologııalyq tekserý júrgizildi. Nátıjeleri boıynsha balalardyń kanıkýl kezinde aýyryp, koronavırýspen aýyratyn naýqastarmen baılanysta bolǵany anyqtaldy», dedi Ahmetova OKQ brıfınginde.
Ol sondaı-aq barlyq baılanysta bolǵan adamdarǵa PTR-zertteý júrgizilgenin atap ótti, 3 myń oqýshynyń ishinen tek úsh oqýshyda PTR-testtiń oń nátıjesi boldy.
Eske sala ketsek, 1 qyrkúıekten bastap mektep oqýshylary, kolledj jáne JOO stýdentteri dástúrli oqytý formatyna oraldy. Mektepter men ýnıversıtetterge kirý Ashyq qosymshasy arqyly júzege asyrylady.