Aýǵanstan prezıdenti retinde qyzmetinen ketken Ashraf Ǵanı Kabýldan ketýdi ómirindegi eń qıyn sheshim dep atady. Eldiń Eks-prezıdenti aýǵan halqynan «bári qaıǵyly jaǵdaımen aıaqtaldy» dep keshirim surady. Ol bul málimdemeni óziniń Twitter-degi paraqshasynda jarııalady, dep habarlaıdy Egemen.kz.
Eks-prezıdent Kabýldan ketý týraly sheshimdi «ómirdegi eń qıyn», sondaı-aq «qarý-jaraqtyń aldyn alýdyń, Kabýl men onyń 6 mıllıon turǵynyn qutqarýdyń jalǵyz joly» dep atady.
«Men memleketti qaýipsizdikpen qamtamasyz ete almaı, aýǵan halqyna turaqtylyq pen órkendeý syılaı almaǵanym úshin ókinemin. Men aýǵan halqynan keshirim suraımyn», dep jazdy Ǵanı óziniń málimdemesinde.
Ol aýǵan halqyna degen adaldyǵy berik jáne ol ony ómiriniń sońyna deıin «jeteleıdi» dep sendirdi.
Sonymen qatar, Ashraf Ǵanı aqparatty negizsiz dep ataı otyryp, Kabýldan aqsha alyp ketkeni týraly habarǵa túsinik berdi.
«Men málimdemelerimniń durystyǵyn dáleldeý úshin BUU nemese basqa táýelsiz organnyń qamqorlyǵymen resmı aýdıt júrgizýdi qoldaımyn», dedi Aýǵanstannyń eks-prezıdenti Twitter-de.