Bul týraly «Azamattarǵa arnalǵan úkimet» KEAQ basqarma tóraǵasy Ádil Qojyqov «AntikorLive» jobasynda aıtty, dep jazady Egemen.kz.
«Biz sońǵy kezde Aqtóbe oblysynda pılottyq rejımde jer ýchaskelerin satyp alý men jalǵa alýdy júzege asyryp jatyrmyz. Qazir biryńǵaı memlekettik jyljymaıtyn múlik kadastry ázirlenip jatyr. Onyń aıasynda jerge qatysty barlyq qyzmet bir portalǵa toptastyrylady. Sıfrlandyrý aıasynda osyndaı jumys atqarylyp jatyr», dedi ol.
Qojyqov atap ótkendeı, azamattardy kezeńder boıynsha aqparattandyrý júzege asyrylyp jatyr.
«Azamattarǵa arnalǵan úkimet» qyzmetin qoldanatyn adamdar sany artyp otyr. Onyń bir sebebine pandemııany jatqyzýǵa bolady. Turǵyndar onlaın qyzmetti sol kezden bastap belsendi ala bastady. Front-keńsege kúnine keletinder sany el boıynsha 70 myńdy quraıdy», dedi Qojyqov.