Bilim jáne ǵylym vıse-mınıstri Sholpan Karınova oqýshylardyń qaı ýaqytta qashyqtan oqıtynyn aıtty, dep jazady Egemen.kz.
«Birinshiden, bilim mekemeleri Bilim jáne ǵylym mınıstrliginiń tıisti ádistemelik ustanymdaryn oqý jylynyń basyna deıin aldy. Búgingi kúni birneshe jaǵdaı boıynsha qashyqtan oqytý uıymdastyrylady. Birinshiden, oqýshy aýyryp qalsa nemese aýyrǵan adamdarmen baılanysta bolsa, onda bala qashyqtan bilim alady», dedi ol.
Mysaly, synypta bir bala aýyryp qalsa, onda synyp 14 kúnge karantınge jiberiledi. Bul jaǵdaıda mektep synyptyń oqý prosesin qashyqtan uıymdastyrady. Sondaı-aq muǵalim men oqýshy arasyndaǵy baılanys sınhrondy jáne asınhrondy formatta júrgiziledi.
«Muǵalimder tıisti bilim platformasyn paıdalanyp, naqty ýaqytta oqýdy uıymdastyra alady. Odan bólek, keı sabaqtardy asınhrondy formatta túsindire alady. Eger ata-analar balasynyń úı jaǵdaıynda oqytylsyn dep ótinish jazsa, onda balaǵa mektep tarapynan oqýlyq úlestiriledi, oqý baǵdarlamalary beriledi jáne tıisti bilim platformasymen qamtamasyz etilip, elektron jýrnal arqyly muǵalimmen keri baılanys jasaýyna jaǵdaı jasalady», dep aıtty vıse-mınıstr Karınova BǴM LIVE jobasynda.
Dese de, vıse-mınıstrdiń aıtýynsha, oqýshynyń basym kópshiligi oqý prosesiniń shtattyq rejımde jalǵasqanyn qalaıdy.