Memleket basshysy Qasym-Jomart Kemeluly Toqaevtyń 2021 jyldyń 1 qyrkúıeginde Qazaqstan halqyna «Halyq birligi jáne júıeli reformalar – el órkendeýiniń berik negizi» Joldaýy ustazdar qaýymynyń sheshimin kópten kútken máseleleriniń túıinin ashyp kórsetti.
Sońǵy jyldary eldi jaılaǵan indettiń bilim berý sapasyna keri áserin tıgizgeni barshaǵa aıan. Qashyqtan oqytý úrdisi otandyq bilim berý salasynyń kemshin tustaryn aıqyndap berdi: yńǵaılanǵan onlaın-platformanyń bolmaýy, ata-analardyń oqýshylardy qashyqtan bilim alý qurylǵylarymen qamtamasyz etý múmkindiginiń mardymsyzdyǵy, ǵalamtor jelisiniń turaqsyzdyǵy, saıyp kelgende, oqý úderisiniń tolyqqandy uıymdastyrylýyna kedergi keltirip, bilim sapasynyń tómendeýine ákelip soqtyrdy.
2021-2022 oqý jyly Nur-Sultan qalasynyń kásiptik-tehnıkalyq bilim berý mekemelerinde bilim alýdyń qalyptasqan dástúrli tásiline qaıta kóshý arqyly bastalǵany – stýdentter men oqytýshylar, ata-analar qaýymy úshin úlken qýanysh. Sapaly bilim alý úshin ádettegideı sabaqqa tikeleı qatysyp, oqytýshylarmen jáne toptaǵy basqa stýdenttermen aralasýdyń mańyzy zor ekeni aıtpasa da túsinikti.
Qazirgi tańda kásibı bilim berý júıesi eńbek naryǵynda suranysqa ıe bilikti mamandar qalyptastyrýǵa baǵyttalýda. 2021-2022 oqý jylynan bastap barlyq kásibı bilim berý júıesinde oryn alyp otyrǵan túbegeıli ózgeristerdiń biri – oqytýdyń kredıttik tehnologııasyn oqý prosesine engizý. Atalǵan tehnologııanyń basty mindetteri – oqý úderisine qatysýshylardyń arasynda ózara yntymaqtastyq qarym-qatynasynyń ornaýy, ár stýdenttiń ózindik jumysyn joǵary deńgeıge kóterip, aqparattandyrýdy keń paıdalanyp, stýdentterdiń shyǵarmashylyq deńgeıin keńinen qoldanýyna jaǵdaı týǵyzý, qoljetimdi ári sapaly bilim berý arqyly bolashaq kásipkerlerdiń jańa býynyn qalyptastyrýǵa umtylý.
Biz, Qazaqstandyq Shveısarııa-Amerıka kolledjiniń pedagogıkalyq ujymy Memleket basshysy Qasym-Jomart Kemeluly Toqaevtyń óz Joldaýynda kórsetken barlyq bastamalardy tolyq qoldaımyz.
Gúl JANAEVA,
Qazaqstandyq Shveısarııa-Amerıka kolledjiniń dırektory