«Pavlodar-Nur-Sultan» tas jolynda «Toyota» markaly avtomobıl men «KamAZ» júk kóligi soqytyǵysqan, dep habarlaıdy Egemen.kz.
«10 qyrkúıek kúni saǵat 01:10-da «Pavlodar-Nur-Sultan» tas jolynyń 215-shaqyrymynda «Toyota Samry 55» avtokóligi men KamAz soqtyǵysty. Jol apaty saldarynan «Toyota» kóliginiń jolaýshysy oqıǵa ornynda kóz jumdy», dep habarlady Pavlodar oblysy Polısııa deparatamentiniń baspasóz qyzmeti.
Belgili bolǵandaı, ekinshi jolaýshy jaraqat alyp, aýrýhanaǵa jetkizilgen. Kólik arnaıy aıyppul turaǵyna jiberildi.
Atalǵan fakti boıynsha QR QK 345-babynyń 3-tarmaǵy negizinde sotqa deıingi tergeý amaldary bastalǵan.