BQO TJ departamentiniń baspasóz qyzmetiniń málimdeýinshe, oqıǵa 10 qyrkúıek kúni qalaǵa qarasty Jelaev kentinde bolǵan, dep jazady Egemen.kz.
«Saǵat 02.12-de qoımanyń janyp jatqany jóninde habar tústi. Oqıǵany barlaý barysynda «Alı» JK aýmaǵynda metall konstrýksııalarynan jasalǵan, negizgi qoımaǵa japsarlas ornalasqan qoıma jáne qaıta óńdeý ornyna jóneltý úshin jınalyp qoıylǵan makýlatýranyń órtenip jatqany anyqtaldy. О́rttiń aýmaǵy 648 sharshy metrdi qurady. Oqıǵa ornynda syıymdylyǵy 40 lıtrlik 4 ottegi jáne 50 lıtrlik 1 gaz ballony, sondaı-aq bir avtotıegish janyp ketti. Qaza bolǵandar men zardap shekkender joq. «Tilsiz jaý» BQO TJ departamentiniń kúshimen (29 qyzmetker, 9 tehnıka) saǵat 06.36-da tolyqtaı aýyzdyqtaldy», dep jazylǵan habarlamada.