Shahtınsk qalasyndaǵy № 6 jalpy bilim berý mektebiniń meńgerýshisine balalarǵa til tıgizgeni úshin qatań sógis jarııalady, dep habarlaıdy Egemen.kz.
Vedomstvonyń málimetinshe, ádepsiz minez-qulyqqa jol bergen pedagog bilim berý júıesinde 20 jyldan astam, al № 6 mektepte sońǵy úsh jyl jumys isteıdi. Ol 8 «V» synyp oqýshylaryna til tıgizip urysqan.
«Qyzmettik tergeý men pedagogıkalyq ádep jónindegi keńes otyrysynyń qorytyndysy boıynsha oqý meńgerýshisine qatań sógis jarııalandy. Sondaı-aq qalyptasqan jaǵdaıdy retteý úshin mektep ákimshiligi keńeıtilgen ata-analar jınalysyn ótkizedi», dep habarlady Shahtınsk qalasynyń bilim berý bóliminde.
«Jınalysqa pedagogtar men ata-analar, sondaı-aq pedagogıkalyq etıka keńesiniń músheleri qatysady. Bólim bastyǵy bul oqıǵanyń sebepterin baıandap, etıkalyq emes minez-qulqy úshin keshirim suraıdy», dep qosty Departament.
«Pedagogıkalyq ádep normalaryn saqtaý jáne osyndaı jaǵdaılardyń aldyn alý maqsatynda Shahtınsk qalasynyń barlyq bilim berý uıymdarynda pedagogıkalyq ádep qaǵıdalaryn saqtaý týraly máseleni qaraýmen pedagogıkalyq keńesterdiń kezekti otyrystary ótedi», dep atap ótti vedomstvoda.