Bul týraly esirtki qylmysyna qarsy kúres jáne «Dármek» jedel aldyn alý sharasynyń nátıjeleri týraly ótken brıfıngte QR IIM Esirtki qylmysyna qarsy is-qımyl departamentiniń basqarma bastyǵy Baqytjan Ámirhanov aıtty, dep jazady Egemen.kz.
«Bıyl ishki ister organdarynyń qyzmetkerleri 5300-ge jýyq esirtki qylmysyn anyqtady, onyń ishinde 1661 qylmys, 991-i asa iri kólemde esirtkini ótkizý jáne 270-i saqtaý deregi bar. 12,5 tonna esirtkiniń túrleri alyndy, onyń ishinde 4 kg astam geroın, 129 kg sıntetıka, 371 keli gashısh jáne 8,7 tonna marıhýana bar», dedi Ámirhanov.
Ol ataǵandaı, 24 tamyzda Jambyl oblysynda jedel aqparatty iske asyrý kezinde Shý aýdanynyń balyq aýlaý aımaǵynda Jambyl oblysy Baızaq aýdanynyń 49 jastaǵy turǵyny jalpy salmaǵy 928 keli kannabıs ósimdigin daıyndaý kezinde ustaldy.
«7 uıymdasqan qylmystyq toptyń qyzmeti anyqtalyp, olardyń basshylary men qatysýshylaryna qatysty 13 qylmystyq is qozǵaldy. Qylmystyq jaýapkershilikke qylmystyq toptardyń 7 kóshbasshysy men 34 qatysýshysy tartylady. Esirtki kontrabandasynyń 81 faktisi anyqtaldy», dedi ol.