QR Ulttyq Bankiniń aqsha-kredıt saıasaty departamentiniń dırektory Jandos Shaımardanov 2021 jylǵy tamyzdaǵy iskerlik belsendilik ındeksi týraly aıtty, dep habarlaıdy Egemen.kz QR Ulttyq Bankiniń baspasóz qyzmetine silteme jasap.
Alynǵan baǵalaý nátıjeleri boıynsha iskerlik belsendilik ındeksi tamyzda tómendep, 50,2 qurady. Buǵan qyzmet kórsetý sektorlarynda 50,7-ge deıin jáne ónerkásipte – 49,1-ge deıin kórsetkishterdiń qysqarýy áser etti. Qyzmet kórsetý sektoryndaǵy ındekstiń nasharlaýy jumyspen qamtý deńgeıiniń tómendeýimen, ónerkásipte – jańa tapsyrystardyń, ónimder men jumyspen qamtý deńgeıiniń tómendeýimen, sondaı-aq jetkizý merzimderiniń ulǵaıýymen baılanysty. Degenmen, qurylystaǵy kórsetkish jumyspen qamtý deńgeıiniń ósýi saldarynan 51,9-ǵa deıin ósti.
О́ńirler bólinisinde tamyz aıynda 9 óńirde iskerlik belsendiliktiń jaqsarýy, 8 óńirde nasharlaý baıqaldy.
Iskerlik belsendiliktiń neǵurlym joǵary deńgeıi Túrkistan oblysynda (54,6) jáne Shymkentte (52,8), eń tómeni Aqtóbe oblysynda (43,2) baıqaldy. 2021 jylǵy tamyzda respondentter elde bıznes júrgizý jaǵdaılarynyń jaqsarǵanyn atap ótti. Aǵymdaǵy bıznes-sharttardy baǵalaý boıynsha jaýaptar teńgerimi 1,7 qurady, bul respýblıkadaǵy karantındik sharalardyń belgili bir jeńildetilýine baılanysty. Kásiporyndar ónimge/qyzmetke suranysty, qarjy/nesıe jáne kommýnıkasııalarǵa qoljetimdilikti oń baǵalady. Salyq júktemesi men bıznesti qorǵaý máseleleri teris baǵa aldy. Kásiporyndardyń bolashaq bıznes-jaǵdaılarǵa qatysty optımızmi kelesi 6 aıǵa nasharlady: bolashaq jaǵdaılardy baǵalaý 17,6 qurady. Nátıjesinde ekonomıka boıynsha bıznes-klımat ındeksi 9,5-ke deıin tómendedi. 2021 jylǵy tamyzda saýalnamaǵa 462 kásiporyn qatysty: qurylysta – 67, ónerkásipte – 175, qyzmette – 220.