Mádenı baılanystyń jańa belesi

Byltyr Esil aýdanynyń ákim­digi men Býharesttiń №1 aýdany­nyń merııasy mádenı yntymaq­tastyq týraly memorandýmǵa qol qoıǵan edi. Rýmyn jaǵy Býharesttiń ortalyǵyndaǵy gúlzardy Qazaq­stannyń qurmetine atap, onda Abaı Qunanbaevtyń bıýstin ornatty.

Is-shara uly aqynnyń 175 jyl­dyǵyna oraılastyryldy. О́z keze­ginde, Qazaqstan jaǵy elordadaǵy saıabaqtardyń birine «Býharest» ataýyn berdi.

Osy saıabaqta rýmyn aqyny Mıhaı Emıneskýdyń bıýsti ashyldy. Is-sharaǵa Mádenıet jáne sport mınıstri Aqtoty Raıym­qulova, Rýmynııanyń Qazaq­stan­daǵy, Qyrǵyzstandaǵy jáne Tájikstandaǵy Tótenshe jáne óki­letti elshisi Madalına Lýpý, son­daı-aq qoǵam qaıratkerleri men elordalyq zııaly qaýym ókilderi qatysty.

«Biz úshin Abaı shyǵar­ma­shy­lyǵy qanshalyqty qundy bolsa, rýmyndar úshin Mıhaı Emı­neský shyǵarmashylyǵy da sondaı mańyzdy deýge bolady. Olardyń ekeýi de – zamanaýı poetı­kalyq mádenıettiń negizin qalaýshylar jáne ulttyq mádenı qaıta órleý dáýiriniń shabyttandyrýshylary. Búgingi is-shara – eki el arasyndaǵy mádenı baılanystardy damytýdyń jarqyn úlgisi. Atap aıtqanda, biz Rýmynııamen týrızm jáne mádenıet salasyndaǵy kelisimge qol qoıdyq, al sport sala­syndaǵy yntymaqtastyq týra­ly hattama qol qoıý satysynda», dep atap ótti Aqtoty Raıym­qulova.

О́z kezeginde Madalına Lýpý bul tek Rýmynııa men Qazaqstan úshin ǵana emes, búkil Ortalyq Azııa úshin mańyzdy oqıǵa ekenin atap ótti.

«Ortalyq Azııa óńirinde rýmyn­nyń ulttyq aqynynyń skveri men bıýsti bar Qazaqstannan basqa birde-bir el joq. Osy múmkin­dikti paıdalana otyryp, Qazaq­stan halqyn Táýelsizdiktiń 30 jyl­dyq mereıtoıymen quttyq­taı­myn. Rýmynııa alǵashqy elder­diń qatarynda Qazaqstannyń egemendigin moıyndady. Qazaq­stan – Rýmynııanyń Ortalyq Azııa­daǵy negizgi áriptesteriniń biri. Qazaqstan astanasynda Emı­neský bıýstiniń ashylýy – bizdiń halyqtarymyzdyń bir-birin jaqsy tanyp, dıplomatııalyq qarym-qatynastardyń jańa deńgeıge kóterilýine jaqsy serpin beredi», dedi Rýmynııa elshisi.

Ashylý saltanatynan keıin spıkerler memleketaralyq qaty­nastardyń uzaq merzimdiligi men órkendeýiniń belgisi retinde qaraǵaı men mamyrgúl butalaryn otyrǵyzdy.