Astyq sapasy jaqsy

Erte kóktemde aýdan dıqan­da­ry 400 myń gektardan astam alqapqa dándi daqyldar tuqymyn sińirgen bolatyn. Kókten ııýi kem bolsa da jerden bergenine ázirge kóńil toıarlyq. Jazdyń ystyq bolýyna baılanysty jyldaǵyǵa qaraǵanda, astyq ta erte pisti. Bıyl 15 myń gektar jerge dán ekken Ak Hilal seriktestiginiń egistik alqabynda seksennen astam dala erleri ýaqytpen sanaspaı jumys isteýde. Búginge deıin materıaldyq-tehnıkalyq bazasyn nyǵaıtyp, tehnıkalaryn jańalap úlgergen ujymnyń eń­bek qarqyny da joǵary.

Seriktestik bıyl bıdaı men arpa egipti. Ázirge barlyq al­qap­tyń úshten birin tap-tuınaqtaı etip jınap alǵan. Dıqandardyń aıtýyna qaraǵanda, astyqtyń shy­ǵym­dylyǵy maqtanarlyq bol­ma­ǵanymen, esesine sapasy táýir. Deni ekinshi klasty. Demek, baǵasy da joǵary bolmaq. Qamyrlylyǵy da jyldaǵyǵa qa­ra­ǵanda jaqsy.

– Dı­qan qaýym ár jyl saıyn­ kók­temde úmit etedi emes ­pe?­ – deıdi seriktestik quryl­taı­shysy Magomet Ekajev. – Agro­teh­nıkalyq shara­la­r­dy talap­qa saı ýaqtyly a­t­qardyq. Ty­ńaıt­qyshtardy da sińirdik. Alaıda jazdyń aptap ystyq bol­ǵan­dy­ǵy belgili. En­digi úmit astyq sapasynyń jaq­sy­lyǵynda.

Jıyrma jyldan astam eńbek etip kele jatqan ujym jetekshisi berekeniń eńbekke baılaýly eken­di­gin jyr qylyp aıtady. Eger jańa tehnologııany batyl engizip, ju­mys isteıtuǵyn bolsa, qunary mol jer de ıip sala bermek. Taǵy bir eskeretin jaıt, aýa raıy qubylmaly óńirde endigi arada qurǵaqshylyqqa shydamdy bıdaı tuqymyn qoldanǵan abzal. Sońǵy jyldary kún qabaǵy da ózgerip keledi. Sondyqtan bıyl­ǵy­daı qýańshylyqqa da daıyn bolý kerek.

Dala erlerine barlyq jaǵdaı jasalǵan. Eń­bek­aqylary da to­lym­dy. Kóktemgi jáne kúzgi naý­­­qandyq jumys kezinde qa­ýyrt qımyldap, jaq­sy nátıje kórsetken eńbekkerler tup-týra birjyldyq tabystaryn taba alady. Ýaqyttan utý úshin túski jáne keshki astary alqap basyna jetkizilip berýde. О́nimdiligi joǵary 12 kombaın men onnan astam júk kóligi táýlik boıy der­lik paıdalanylýda.

El yrysyn molaıtýǵa um­tyl­ǵan seriktestik dıqandary keı­bir alqaptardan ár gektaryna 10 sentnerden ónim jınaýda. Bıylǵydaı qýańshylyq jyly táp-táýir kór­set­kish. Endigisi óngen el yrysyn jerde qal­dyrmaı jınap alý.

Aqmola oblysy,

Astrahan aýdany