Japonııanyń Tıba qalasynda ótip jatqan Azııa chempıonatynda Qazaqstannyń erler quramasy tym súreńsiz óner kórsetýde, dep jazady Egemen.kz.
Kezinde sporttyń bul túri elimizde keremet qarqynmen damyǵanyn jankúıerler jaqsy biledi. Erterekte erler saıysynda Almatynyń «Býrevestnıgi» KSRO-nyń eń úzdik komandasy atanyp qana qoımaı, Eýropa chempıondar kýbogyn eki márte oljalady. Toqsanynshy jyldardyń basynda Alataý baýraıynda jasaqtalǵan «Azamat» klýby sary qurlyqtaǵy eń myqty ujymdardyń biri boldy. Elimizdiń ulttyq komandasy Azııa chempıonatynda eki ret kúmis medaldi ıelendi.
Al búgingi jaǵdaıymyz óte múshkil. Kún shyǵys elinde ótip jatqan jarysta jerlesterimiz úsh oıynda da oısyraı utylyp, óz kórermenderin jerge qaratty. Alǵashqy eki kezdesýde Taıpeı men Ońtústik Koreıaǵa ese jibersek, keshe Saýd Arabııasyna jol berdik. Bir ókinishitsi, osy básekelerdiń barlyǵynda 0:3 esebi tirkeldi.
D tobynda sońǵy orynda qalyp qoıǵan Qazaqstannyń voleıbolshylary endi sary qurlyqtyń ózge de osal komandalarymen birge 9-18 oryndar úshin talasady.