Qazaqstannyń birneshe óńirinde aýa raıyna baılanysty eskertý jarııalandy, dep habarlaıdy Egemen.kz.
«Kúndiz 15 qyrkúıekte Qostanaı oblysynyń soltústik-batysynda naızaǵaı, ońtústik-batystan 15-20 m/s jel kútiledi.
Aqmola oblysynyń batysynda naızaǵaı kútiledi. Ońtústik-batystan jel soǵady, oblystyń soltústik-batysynda jel ekpini 15-20 m/s.
Batys Qazaqstan oblysynda jel ońtústik-batystan, batystan soǵady, kúndiz ekpini 15-20 m/s.
Shyǵys Qazaqstan oblysynyń soltústik-shyǵysynda túnde 3 gradýsqa deıin sýytady. Besqaraǵaı aýdanynda tótenshe órt qaýpi kútiledi.
Kúndiz Soltústik Qazaqstan oblysynyń ońtústiginde ońtústik-batystan 15-20 m/s jel soǵady.
Túnde Qaraǵandy oblysynyń soltústik-shyǵysynda 2 gradýs úsik saqtalady. Oblystyń batysynda tótenshe órt qaýpi bar», delingen «Qazgıdromet» RMK baspasóz habarlamasynda.