Qazaqstan Respýblıkasynyń Prezıdenti Qasym-Jomart Kemeluly Toqaevtyń Qazaqstan halqyna arnaǵan kezekti «Halyq birligi jáne júıeli reformalar – el órkendeýiniń berik negizi» Joldaýyn tikeleı efırden muqııat tyńdadym.
Prezıdent Joldaýy jastardyń boıyndaǵy azamattyq belsendilikti arttyryp, olardyń boıyndaǵy patrıottyq sezimdi oıatty. Jastardy dál búgingi ómirge beıimdep, keleshekte óz Otanynyń shynaıy patrıoty bolýǵa jáne Táýelsiz Qazaqstannyń damýyna ózindik úlesin qosýǵa shaqyrdy.
Bıylǵy Joldaý: «Bıyl egemen el bolǵanymyzǵa 30 jyl tolyp otyr. Táýelsizdik – bizdiń eń qasterli qundylyǵymyz», degen sózdermen bastaldy. Prezıdent Joldaýynyń eń basty maqsaty – keń baıtaq Táýelsiz Qazaqstan elindegi beıbit ómirdi, qoǵamdaǵy turaqtylyq pen tynyshtyqty qamtamasyz etý.
El Prezıdenti Joldaýda Aýǵanstandaǵy oryn alǵan jaǵdaıǵa asqan alańdaýshylyq bildiretindigin jetkizdi. Osy rette, Qazaqstan Respýblıkasynyń Prezıdenti – Qazaqstan Respýblıkasy Qarýly Kúshteriniń Joǵarǵy Bas qolbasshysy Qasym-Jomart Kemeluly Toqaev: «Kelesi másele Aýǵanstandaǵy ahýal jáne jahandyq shıelenistiń kúsheıýi bizge qorǵanys ónerkásibi keshenin jáne Áskerı doktrınamyzdy tolyǵymen qaıta qaraýǵa mindetteıdi.
Qorǵanys qabiletimizdi nyǵaıtyp, qaýip-qaterlerge jedel ún qatý memlekettik mańyzy bar basymdyqqa aınalýǵa tıis. Biz syrtqy qaterge jáne oqıǵanyń qalaı órbýine de daıyn bolýymyz kerek», dep qadap aıtty. Sonymen qatar Joldaýda el Prezıdenti sapaly bilim berý salasynda Otan aldyndaǵy azamattyq boryshtaryn ótep júrgen merzimdik qyzmettegi áskerı qyzmetshilerdiń bilim alyp, qandaı da bir mamandyq ıesi atanyp qaıtýyn da qamtydy. Osy oraıda, Qazaqstan Respýblıkasynyń Prezıdenti Qasym-Jomart Kemeluly: «Mamandyq alýdyń taǵy bir múmkindigi armııada berilýge tıis. Merzimdi áskerı qyzmettegi sarbazdardyń ekonomıkadaǵy naqty sektor úshin qajetti jumysshy mamandyǵyn ıgerý máselesin pysyqtaǵan jón», dedi.
Joldaýda el Prezıdenti halqymyzdyń ál-aýqatyn arttyrýǵa arnalǵan bastamalardy alǵa tartty. Onda elimizdegi eń tómengi jalaqy mólsherin kóterý, qyzmetkerleriniń eńbekaqysyn kóbeıtken jumys berýshilerge rettelmeli satyp alý júıesi aıasynda jeńildikter jasalatyny jáne turǵyn úı máseleleri qamtylǵan.
Memleket basshysy Qasym-Jomart Toqaevtyń Qazaqstan halqyna arnalǵan Joldaýyn tolyq qoldaı otyryp, atalǵan qujattyń Táýelsiz Qazaqstan halqy úshin alǵa qoıǵan mindetterdi júzege asyrýǵa jumyldyrýshy bastama bolatynyna senemiz.
Dýman QURMANǴALIEV,
Prıozersk garnızonynyń baspasóz hatshysy