Almaty qalasynda Jastar resýrstyq ortalyqtary (JRO) qyzmetiniń tıimdiligin arttyrý boıynsha oqytý semınarlary uıymdastyrylýda. Semınardyń birinshi kúni Memleket basshysynyń «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýynyń negizgi baǵyttaryn, sondaı-aq ony iske asyrý máselelerin talqylaýǵa arnaldy.
О́ńirlik jastar resýrstyq ortalyqtarynyń qatysýshylary men basshylary Memleket basshysynyń jastardy qoldaý jónindegi bastamalaryna erekshe nazar aýdardy.
Jastar bilim, ǵylym, sıfrly tehnologııalar, kreatıvti ındýstrııa jáne rýhanı-adamgershilik tárbıe sııaqty mańyzdy áleýmettik salalarda, sondaı-aq Joldaýdy iske asyrýda jas belsendilerdiń qatysý máseleleri boıynsha óz pikirlerimen bólisti. Memleket basshysy alǵa qoıǵan jańa mindetterdi eskeretindeı memlekettik jastar saıasatynyń negizgi baǵyttaryn talqylaý josparlanýda. Birinshi kezekte, jastar saıasaty salasyndaǵy jergilikti atqarýshy organdar qyzmetiniń tıimdiligin ólsheýdiń mańyzdy quralyna aınalatyn Jastardyń damytý ındeksi qaralady. Sondaı-aq «Jastar» ǴZO sarapshylary ázirleıtin NEET sanatyndaǵy jastardy anyqtaý men esepteýdiń jańa ádisnamasyn zerdeleý talqylanady.
JRO jumysynyń sapasyn arttyrý máselelerine arnalǵan semınar-trenıng Almaty qalasy Jastar saıasatyn damytý memlekettik qorynyń alańynda ótýde.
Semınarlardyń uıymdastyrýshysy – Aqparat jáne qoǵamdyq damý mınıstrliginiń qoldaýymen «Jastar» ǵylymı-zertteý ortalyǵy. Aıta keteıik, barlyq semınarlar sanıtarlyq-epıdemııalyq normalardy qatań saqtaı otyryp, Ashyq júıesin paıdalana otyryp ótkizilýde.
«Egemen-aqparat»