Májilistiń jalpy otyrysynda depýtat Dınara Zákıeva elde balalar men jasóspirimder arasynda sýısıd máselesi órship turǵanyn aıtty, dep jazady Egemen.kz.
«Qazaqstan qoǵamy úshin taǵy bir ózekti másele – balalar men jasóspirimder arasyndaǵy sýısıd. Statıstıkaǵa sáıkes 2021 jyldyń tek alty aıynda elde 105 sýısıd, sol sııaqty 190 sýısıdke barý áreketi tirkeldi. Birqatar óńirde sýısıd kórsetkishiniń ósýi baıqalady. Túrkistan, Almaty, Shyǵys Qazaqstan oblystaryndaǵy kórsetkish óte qorqynyshty. Osyǵan baılanysty zań jobasynda bul máseleni sheshý úshin orta bilim berý uıymdaryndaǵy psıhologııalyq qyzmetterdiń jumysyn úılestirý tetikteri usynylady», dedi Májilis depýtaty.