Birlik joqta tutastyq bolmaıdy

Qazaqstan Prezıdenti janyndaǵy Ortalyq kommýnıkasııalar qyzmetinde Qazaqstan halqy Assambleıasy ókilderiniń, depýtattardyń, qoǵam qaıratkerleriniń qatysýymen Elbasy Joldaýynda aıtylǵan mindetter jaıy talqylanǵan brıfıng ótti.

Qazaqstan Prezıdenti janyndaǵy Ortalyq kommýnıkasııalar qyzmetinde Qazaqstan halqy Assambleıasy ókilderiniń, depýtattardyń, qoǵam qaıratkerleriniń qatysýymen Elbasy Joldaýynda aıtylǵan mindetter jaıy talqylanǵan brıfıng ótti.

Ortalyq kommýnıkasııalar qyzmetiniń resmı ókili Altaı Ábıbýllaev: «Qazaqstan halqy Assambleıasy qazaq jerinde me­ken­degen kóptegen ulttyń óki­line uıytqy bolyp otyr», deı kele, elimizdiń Eýropadaǵy qaýip­sizdik jáne yntymaqtastyq uıymyna tóraǵalyq etýi barysynda Assambleıa modeline shynaıy qyzyǵýshylyq tanytylǵanyn jetkizdi. «Memleket basshysy óziniń bıylǵy Joldaýynda Qazaq­stan halqy Assambleıasy aldyna «Máńgilik El» patrıottyq ak­tisin ázirleý jáne qabyldaý jó­ninde naqty tapsyrma qoı­ǵan bolatyn. Bul oraıda, Prezı­dent barlyq saıası partııalardy, qoǵamdyq birlestikterdi já­ne barsha qazaqstandyqtardy «Qa­zaqstan-2050» Strategııasynyń basty maqsattaryna jetý jo­lyndaǵy jumystarǵa belsene aralasýǵa shaqyrdy», dedi.

Brıfıngte sóz alǵan L.N.Gý­mılev atyndaǵy Eýrazııa ulttyq ýnıversıtetiniń etnosaralyq jáne dinaralyq toleranttylyq jó­nindegi IýNESKO kafed­ra­synyń professory Ádil Ahme­tov: «Biz Qazaqstan halqy As­sam­bleıa­synyń eldiń birligin, ta­týlyǵyn úılestirip otyrǵan úlken, álemde teńdesi joq uıym ekenin aıtyp otyrýymyz kerek. Jaqynda L. N. Gýmılev atyndaǵy Eýrazııa ulttyq ýnıversıtetinde IýNESKO kafedrasy ashyldy. Bul kafedranyń aty da, zaty da Qazaqstan halqy Assambleıasynyń múddesimen saı keledi. Men 5-6 jyl Parlament Senatynda depýtat bolǵan kezimde Assambleıa jumysyna jıi qatysyp júrdim. EQYU Tóraǵasynyń jeke ýákili bolyp, osy uıymǵa kiretin 57 mem­lekettiń teń jartysyn aralap shyqtym. Sol kezde kóńilge uıa­laǵan, maqtanyshpen aıtatyn bir másele – bizdiń elimizdegi tu­raq­tylyqtyń, qoǵamdyq kelisimniń irge­tasy, ulttyq saıasattyń irge­tasy – Qazaqstan halqy Assam­bleıasy», degen paıymyn jetkizdi.

Ol qurylǵanyna 20 jyldaı ýaqyt bolǵan Assambleıa tý­raly qoǵamda ártúrli pikirler­diń týyndaǵanyn, «onyń ne ke­regi bar» deýshilerdiń de kezdes­ke­nin aıtyp ótti. «Bul úlken túsi­nis­peýshilikten týǵan dúnıe dep aıtar edim. Alaıda, qashanda bitken iske synshy kóp. El turaqtylyǵy óz-ózinen bola qoıǵan joq. Sony túsiný kerek. Bir aıta keterligi, As­sam­bleıanyń ótken jylǵy sessııa­­synda jarııa etilgen «Bir halyq – bir el – bir taǵdyr» usta­ny­­my­nyń bıylǵy Joldaýdan da kóri­nis tapqanyna kýá bolyp otyrmyz.

Bizdiń halqymyzdyń keremet qundylyǵy bar: «Altaý ala bol­sa, aýyzdaǵy ketedi. Tórteý tú­gel bolsa, tóbedegi keledi». Bul mátel­diń aıasy óte keń. Osy sózdi jeke otbasyna da, tipten, qazirgi ege­mendigin alǵan alty túrki til­des memleketterge de qatysty aıtsa bolady. Muny 130-dan astam ulttan turatyn elimizge qatysty aıtsaq ta artyq emes. Demek, alaýyzdyq bolatyn bolsa, ol eldiń birligi ketedi, birligi ketken memlekettiń tutastyǵy, beıbitshiligi ketedi, ol memlekettiń damýy da óz-ózinen toqtaıdy. Mynadaı almaǵaıyp zamanda baq bolyp, basymyzǵa qonǵan qun­dylyǵymyzdy ýysymyzdan shy­ǵaryp alsaq, ol eshqashan qaıtyp oralmaıdy. Sondyqtan da ulttyq ıdeıa kerek. Ulttyq ıdeıa – ol «Qa­zaqstan-2050» Strategııasy. Ult­tyq ıdeıa – Máńgilik El bolý. Pre­zıdent, mine, osyny búkil ha­lyqqa pash etti. Bul adamnyń kókeıine qonatyn dúnıe», – dedi Á.Ahmetov.

Qazaqstan Prezıdenti janyn­daǵy Memlekettik basqarý aka­de­mııasy Etnosaralyq jáne kon­fes­sııaaralyq qatynastar ortaly­ǵynyń jetekshisi Aıgúl Sádýa­qa­sova «Qazaqstan-2050» Strate­gııasy «Máńgilik El» patrıottyq aktisine negiz bolatynyna toqtala kele, bul ıdeıa sandaǵan ǵasyrlar boıy jınaqtalyp, búgingi zamanǵa deıin jalǵasyp kele jatqan negizgi qaǵıdattardyń bolýymen mańyzdy ekenin atap ótti. Al Qazaqstan Parlamenti Senatynyń depýtaty, «Qazaqstannyń orys, slavıan jáne kazaktar uıymy assosıasııasy» qoǵamdyq birlestigi tóraǵasynyń orynbasary Anatolıı Bashmakov «Máńgilik El» ulttyq ıdeıasy jaıly óz pikirin bildirdi. Ol: «Men Prezıdenttiń barlyq joldaýlaryn, 10 usynysy men «Máńgilik El» ıdeıasynyń 7 tujyrymdamasyn formýla retinde, qoldanbaly jáne dúnıetanymdyq qujat retinde toptastyrar edim», deı kele, «Máńgilik El» qazaq jerin mekendegen barlyq etnostar mádenıetin ózara teń deńgeıde damytýdan týǵan izgi ıdeıa degen oıyn jet­kizdi. «Demek, bul – bizdiń barly­ǵymyzdy jumyldyrýǵa tıisti ulttyq ıdeıa, ulttyq ıdeologııa bolýy tıis», dedi ol bul rette.

Brıfıngte Qazaqstandaǵy bol­gar etnomádenı birlestiginiń tóra­ǵasy Oleg Dymov ta sóz alyp, Elbasynyń Joldaýynda aı­­tylǵan máseleler memleketti alǵa jyljytýda alǵyshart bola alatynyn jetkizdi.

Láıla EDILQYZY,

«Egemen Qazaqstan».