Almaty polısııasy qaladaǵy balalar úıleriniń biriniń tárbıelenýshileri arasynda bolǵan janjaldyń sebepterin anyqtap jatyr, dep habarlaıdy Egemen.kz.
Balalar úıiniń eki tárbıelenýshisi arasyndaǵy janjaldyń vıdeosy jelide tarady. Rolıktiń Almatydaǵy «Januıa» mamandandyrylǵan kesheninde túsirilgeni habarlandy.
Almaty qalalyq polısııa departamenti tergeý jumystarynyń bastalǵanyn aıtty.
«Atalǵan fakti boıynsha Medeý aýdandyq polısııa basqarmasy tekserý jumystaryn bastady. Vıdeoda 2021 jylǵy 3 qyrkúıekte oryn alǵan 2004 jáne 2005 jyldary týǵan atalǵan balalar úıiniń eki tárbıelenýshisiniń arasyndaǵy janjal túsirilgeni anyqtaldy. Bul fakt týraly polısııaǵa buryn eshkim habar bergen joq. Qazirgi ýaqytta naqty mán-jaılardy anyqtaýǵa baǵyttalǵan is-sharalar kesheni júrgizilýde, onyń nátıjeleri boıynsha zańnamaǵa sáıkes sharalar qabyldanatyn bolady», dep atap ótti polısııa departamentiniń baspasóz qyzmeti.