Jyl basynan beri Qazposhta 1,6 mln-ǵa jýyq gıbrıdti elektrondy poshtany jetkizdi. Gıbrıdti poshtanyń múmkindikterin memlekettik organdar, bıznes ókilderi jáne jeke tulǵalar da qoldanady. Qazposhtanyń gıbrıdti hattary óziniń adresatyn qalalarda, aýdan ortalyqtarynda jáne aýyldyq jerlerde tabady.
Gıbrıdti poshta qyzmetteri – elektrondy jáne qarapaıym poshtanyń sımbıozy. Ony jiberýshige úıden nemese keńseden shyqpaı-aq elektrondy habarlama mátinin jiberý jetkilikti. Elektrondy faıl ony qabyldaıtyn adamǵa eń jaqyn elektrondyq basyp shyǵarý pýnktine túsedi. Avtomattandyrylǵan jumys ornynda hat basyp shyǵarylady, poshta konvertine salynyp, alýshyǵa jetkiziledi.
Gıbrıdti elektrondy poshta (budan ári – GEP) klıenttiń kóptegen hatyn, shoty men habarlamasyn jóneltý shyǵyndaryn azaıtýǵa, al Ulttyq poshta operatoryna qaǵazdaǵy hat-habardy jetkizý boıynsha qolaıly jáne sapaly qyzmetter kórsetýge múmkindik beredi. Bul rette hat-habarlar 1-3 kún ishinde tıisti adresatqa jetkiziledi.
GEP-tyń hattardy táýlik boıy onlaın jiberýge jáne óńdeý, IT-baqylaýdy ornatý esebinen jóneltýshilerdiń qatelik jiberýine jol bermeý, jóneltýshiniń jeke kabınetinde trekıng tarıhyn tekserý, tıimdi tarıfterdi paıdalaný ispetti artyqshylyqtary bar. Sonymen birge GEP qabyldaý barysy avtomattandyrylǵan, oǵan adam qatyspaıdy. Bul óz kezeginde operatorlardyń qatelikterin boldyrmaýǵa múmkindik beredi.
Byltyr Qazaqstannyń túkpir-túkpirine 2,3 mln-nan astam gıbrıdti hat jetkizildi. Qyzmetti sapaly kórsetý tetikteri jolǵa qoıylǵan: gıbrıdtik elektrondy poshtany qabyldaýdyń, óńdeýdiń, basyp shyǵarýdyń jáne jetkizýdiń barlyq negizgi servısi júzege asyrylǵan. Qyzmettiń bul túrine jeke jáne zańdy tulǵalar júgine alady. Búginde gıbrıdti poshtanyń múmkindikterin kóbine memlekettik organdar paıdalanady.
«Qazposhta» AQ sapaly ózgeristerge, qyzmetterdiń qolaılylyǵy men qoljetimdiligin arttyrýǵa, sıfrly servıster men IT-sheshimderdi engizý esebinen poshta jóneltilimderin jetkizý merzimderin qysqartýǵa kóp kóńil bóledi. Búginde post.kz qyzmetter gıpermarketinde 90-ǵa jýyq qyzmet onlaın tártipte usynylǵan. Jyl sońyna deıin bul resýrsta klıentterge Qazposhtanyń qosymsha 100-ge deıin qyzmeti elektrondyq túrde qoljetimdi bolady. Ulttyq poshta operatory kompanııanyń 2027 jylǵa deıingi Damý strategııasynda belgilengen maqsattarǵa sáıkes qyzmetti belsendi sıfrly transformasııalaýdy júzege asyrady.
«Egemen-aqparat»