Qytaıdyń ońtústik-batysynda bolǵan jer silkinisiniń saldarynan úsh adam qaza tapty, 60 adam jaraqat aldy, dep habarlaıdy Egemen.kz.
Sychýan provınsııasynyń 7 myńǵa jýyq turǵyny qaýipsiz jerge kóshirildi, dep jazady TASS.
Qytaı seısmologııalyq ortalyǵynyń málimetinshe, magnıtýdasy 6,0-ge teń jer silkinisi beısenbi kúni tańerteń jergilikti ýaqyt boıynsha 04:33-te Lýchjoý qalasynyń Lý ýezi aýdanynda tirkelgen. Onda 4,25 mıllıonnan astam adam turady.
Jer silkinisiniń kózi 10 km tereńdikte jatyr. Saǵat 04: 55-te 2,8 magnıtýdasy jer asty dúmpýleri tirkeldi, dep habarlady seısmologtar.
Buǵan deıin Eýropa-Jerorta teńizi seısmologııalyq ortalyǵy Sychýan provınsııasynda magnıtýdasy 5,4 bolatyn jer silkinisi bolǵanyn habarlaǵan. Onyń aıtýynsha, jer silkinisiniń oshaǵy shamamen 689 myń halqy bar Szıgýn qalalyq aýdanynan shyǵysqa qaraı 62 km qashyqtyqta ornalasqan.