Polısııanyń 102 nómirine saǵat 05:52-de Kenesary-Sembınov kósheleriniń qıylysynda jas jigitterdiń tóbelesip jatqany týraly habarlama túsken. Oqıǵa ornyna polısııa jasaǵy jiberildi, dep habarlaıdy Egemen.kz.
Janjaldyń jol apaty saldarynan bolǵany anyqtalǵan. BMW kóliginiń 28 jastaǵy júrgizýshisi Sembınov kóshesimen kele jatyp, manevr jasaǵanda jol boıynda turaqqa qoıylǵan, 21 jastaǵy jigit mingen «Toyota» kóligimen soqtyǵysty.
Jol-kólik apatynyń qatysýshylary oqıǵa ornyna dostaryn shaqyra bastaǵan. Jınalǵandar arasynda janjal shyǵyp, arty tóbeleske ulasty. Onyń biri eki jas jigitke pyshaq salǵan.
Atalǵan faktimen qylmystyq is qozǵaldy. 29 jastaǵy kúdikti Nur-Sultan qalasy polısııa departamentiniń ýaqytsha ızolıatoryna qamaldy. Kólikter kommýnaldyq avtoturaqqa qoıyldy.
Nur-Sultan qalasynyń polısııa departamenti júrgizýshilerdi jol júrý erejelerin qatań saqtaý týraly eskertedi.