Álemdik munaı qymbattap, rekord ornatty. Londondaǵy ICE bırjasynda Brent markasynyń qarasha fıýchersteri shamamen 2%-ǵa ósti, dep jazady Egemen.kz.
Barreldiń baǵasy 75 dollardan asyp tústi. WTI fıýchersteriniń quny da kóterildi. Qara altynnyń bul markasy barreline 72 dollar tóńireginde satyldy. Reıter sarapshylary «qara altynnyń» qymbattaýyn Meksıka shyǵanaǵyndaǵy «Ida» daýylynyń saldarymen baılanystyrady.
«Tamyzdyń aıaǵynda qatty daýyldyń saldarynan qaırańda óndirý jáne óńdeý ýaqytsha toqtatyldy. Al qazir shyǵanaq jaǵalaýyna jańa «Nıkolas» tropıkalyq daýyly keldi. Aımaqtaǵy óndiris daýyl maýsymy aıaqtalǵannan keıin ǵana qaıta bastalýy múmkin», deıdi sarapshylar.