Túrkistan qalasynyń turǵyny, zeınetker Alıakbar Artyquly Jalılov «Áziret Sultan» memlekettik tarıhı-mádenı qoryq mýzeıiniń qoryna 23 dana dinı sıpattaǵy kóne qoljazbalar men tarıhı kitaptaryn, sondaı-aq Iаsaýı kesenesi beınelengen jarty ǵasyrlyq tarıhy bar kilemsheni syıǵa tartty, dep jazady Egemen.kz.
Alıakbar Artyqulynyń aıtýynsha HIH ǵasyrǵa tán qundy dúnıeler ata-babalarynan jáne ózi bilim alyp júrgen kezeńde ustazdarynyń bergen kitaptarynan jınaqtalypty. Tarıhı derekteri mol muralardy qoryq-mýzeı qoryna tabystap, kózdiń qarashyǵyndaı saqtap bolashaqqa amanattaýdy jón sanaǵanyn jetkizdi.
Alıakbar Artyquly tabystaǵan jazba eskertkishter qatarynda Álisher Naýaıdiń eńbekteri, Sofy Allaıardyń «Máslákýl mýttaqın» (Taqýalar joly), «Mýhtasar al-ýıqaıa», Muhammed (s.a.ý.) paıǵambarymyzdyń hadısteri týraly, «Dalaıl haırııat» (Jaqsylyq dálelderi), Islam sharttary, Arab tiliniń sıntaksısi, «Fıkh» syndy kitaptar men qoljazbalar bar.
Mýzeı dırektorynyń mindetin atqarýshy Ersin Botabaıuly mýzeı qoryna tapsyrylǵan baǵa jetpes qundy kitaptar úshin Alıakbar aqsaqalǵa zor alǵysyn jetkizdi.