Investısııalyq saýattylyqty arttyrýmen aınalysady

Qazirgi tańda Qazaqstanda 5-7 ven­chýrlyq qor belsendi jumys isteý­de. Bul rette star­taptardyń ınves­tısııalarǵa qajettiligi usynystan asyp túsedi.

«Qazaqstanda otandyq venchýrlyq ınvestısııalaý salasy áli qalyptasý satysynda. Bul baǵytty damytý yntalandyrýdy qajet etedi. Sondaı-aq jeke venchýrlik ınvestorlardyń quzyretterin de damytý qajet», deıdi Astana Hub basqarýshy dırektory Arkadıı Seleznev.

Jyl saıyn Qazaqstanda IT salasynda jańa startap jobalar sany ósýde. Atap aıtqanda, búgingi tańda elimizdiń eń iri tehnoparki Astana Hub rezıdentteri sapynda 500-den astam startap bar, al jalpy alǵanda, Astana Hub-tyń túrli baǵdarlamalary arqyly 2018 jyldan bastap 10 myńnan astam adam ótti. Jastar perspektıvaly baǵytta damý, ıkemdi jumys kestesi jáne pikirlester komandasymen jumys isteýdi unatady.

Árbir startaptyń damýyndaǵy mańyzdy kezeń – qarjylandyrýdy tartý. Investısııalar paıdalaný­shylardyń naqty máselelerin sheshý úshin IT-ónimdi jaqsartýǵa, paıda­lanýshylar bazasyn ulǵaıtýǵa jáne bola­shaqta qajetti paıda alýǵa kómek­tesedi. Investısııalar komandanyń jala­qysyn, ákimshilik jáne basqa shy­ǵyndardy tóleýge múmkindik beredi.

Investısııalyq saýattylyq deń­geıin arttyrý jáne startaptardy damytý úshin qolaıly orta qurý maq­satynda Astana Hub turaqty negizde VC School oqytý kýrsyn ótkizedi. Máse­len, bıyl 28 qyrkúıekte Alma­ty­da mekteptiń besinshi legi bastalady, onda tabysty venchýrlik ınves­torlar jáne bıznes-perishteler startaptar men IT-kompanııalarmen ınvestısııalaý daǵdylary týraly óz bilimderimen bólisedi.

Baǵdarlama venchýrlik ınves­tı­sııalardyń negizgi máselelerin, sala trendterin, zańdyq aspektilerdi qam­tıdy.

Jalpy, ótken tórt aǵym ishinde Astana Hub qazirdiń ózinde 116 kásip­kerdi, jańadan bastaǵan ınvestorlardy jáne iri kompanııalardyń basshylaryn ınvestısııalaý daǵdylaryna úıretti. Bıylǵy bilim berý kýrsyna qatysýǵa 180-nen astam ótinim alyndy, qazirgi ýaqytta olardyń ótinimderine skrınıng júrgizilýde.

«Egemen-aqparat»