Aljırdiń burynǵy prezıdenti Abdelazız Býteflıka 84 jasynda qaıtys boldy. Ol bul qyzmetten eki jyl buryn ketken, dep jazady Egemen.kz.
«Aljırdiń burynǵy prezıdenti Abdelazız Býteflıka 84 jasynda qaıtys boldy», dep habarlady el prezıdentiniń keńsesi.
Ol uzaq ýaqyt aýyryp keıin qaıtys boldy.
Abdelazız Býteflıka 1999 jyly Aljır prezıdenti bolyp saılandy. Ol ýaqytta basqa kandıdattar saılaý sharttaryna narazylyq bildirip, úmitkerlikten bas tartqan bolatyn. Osydan keıin Býteflıka birneshe ret qaıta saılandy.
2013 jyly Prezıdent ınsýlt alyp, múgedek arbasyna tańyldy. Sodan beri kópshilik aldynda sırek kórindi. Sońǵy ret aljırlikter ony 2017 jyly el astanasynda metro stansııasy men meshit ashqanda kórgen.
2019 jyly Býteflıka qartaıǵanyna jáne syrqatyna, uzaq ýaqyt shetelde emdelýge májbúr bolǵanyna qaramastan, besinshi ret saılaýǵa túspekshi boldy. Bul jappaı narazylyq týdyrdy. 2019 jyldyń 2 sáýirinde armııanyń qysymymen otstavkaǵa ketýge májbúr boldy.
Býteflıka Prezıdent kezinde 1990 jyldary elde qandy azamattyq soǵys júrgizgen qarýly ıslamıstermen kelisimge qol jetkizdi.
Ol otstavkaǵa ketkennen keıin jańa bılik narazylardy tynyshtandyrý úshin eks-prezıdenttiń aınalasyndaǵylardy sybaılas jemqorlyqqa qatysty teksere bastady. Birneshe serigi sottaldy, onyń ishinde burynǵy Býteflıkanyń aǵasy da bar.