Ońtústik Qazaqstan oblystyq Qazaqstan halqy Assambleıasynyń kezekti otyrysynda Elbasy Nursultan Nazarbaevtyń halyqqa arnaǵan «Qazaqstan joly – 2050: bir maqsat, bir múdde, bir bolashaq» atty Joldaýy talqyǵa salyndy.
Ońtústik Qazaqstan oblystyq Qazaqstan halqy Assambleıasynyń kezekti otyrysynda Elbasy Nursultan Nazarbaevtyń halyqqa arnaǵan «Qazaqstan joly – 2050: bir maqsat, bir múdde, bir bolashaq» atty Joldaýy talqyǵa salyndy.
Basqosýǵa Assambleıa músheleri, etnomádenı birlestikterdiń basshylary, Assambleıa janyndaǵy ǵylymı-sarapshylyq toptyń ókilderi, Analar keńesiniń, oblystyq máslıhattyń beıbitshilik, qoǵamdyq jáne etnosaralyq kelisim máseleleri boıynsha «El birligi» depýtattyq tobynyń músheleri qatysty.
Jıynda tarıhshy-ǵalym Ánýar Ismaılov Joldaýda atap kórsetilgen máseleler týraly aıta kelip, bilim berý salasyna toqtaldy. «Prezıdent aldaǵy 2-3 jylda dýaldy tehnıkalyq kásibı bilim berýdegi ulttyq júıeniń ózegin qalyptastyrý kerektigin aıtty. Bolashaqta jastardyń orta tehnıkalyq bilim alýynyń memleketpen kepildendirilgen júıesine kóshýdi qarastyrý qajettigin de jetkizdi. Elbasynyń bul tapsyrmalary qazaqstandyq bilim berý isin jańa sapaǵa kóteredi dep esepteımin. Jalpy, bilim berý salasy qaı memleket úshin de strategııalyq mańyzǵa ıe. Sondyqtan, Elbasynyń bul salaǵa erekshe nazar aýdarǵany oryndy dep esepteımin», dedi ol.
Assambleıa májilisinde oblystyq máslıhattyń depýtaty Ábilqasym Dosbolov, M.Áýezov atyndaǵy OQMÝ professory Asma Qalybekova, oblystyq ózbek etnomádenı birlestiginiń tóraǵasy Ikram Hashımjanov jáne Shymkent qalasyndaǵy №45 mektep-lıseıdiń dırektory Roza Pak Prezıdent Joldaýyna baılanysty oılarymen bólisti.
Oralhan DÁÝIT,
«Egemen Qazaqstan».
Ońtústik Qazaqstan oblysy.