Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń keńeıtilgen otyrysynda depýtattar «Kaspıı teńiziniń teńiz ortasyn qorǵaý jónindegi negizdemelik konvensııaǵa qorshaǵan ortaǵa transshekaralyq turǵydan jasalatyn áserdi baǵalaý jónindegi hattamany ratıfıkasııalaý týraly» zań jobasyn talqylady, dep jazady Egemen.kz.
«Zań jobasynyń negizgi maqsaty – teńiz ortasy men teńizge jaqyn ornalasqan qurlyqqa edáýir transshekaralyq áser etýi múmkin josparlanyp otyrǵan qyzmettiń transshekaralyq turǵydaǵy qorshaǵan ortaǵa áserdi baǵalaýdyń tıimdi jáne ashyq rásimderin ótkizý», dep atap ótti senator Abdaly Nuralıev otyrys barysynda.
Hattamany ratıfıkasııalaý qorshaǵan ortany baǵalaý jáne oǵan áser etý jónindegi zańnamalyq jáne ákimshilik sharalardy qabyldaýǵa múmkindik beredi jáne osy rásimge jurtshylyqtyń bastapqy kezeńnen bastap tıimdi qatysýyn qamtamasyz etedi.
Senatorlar komıtet otyrysynyń qorytyndysy boıynsha atalǵan zań jobasyn Palatanyń qaraýyna berý týraly sheshim qabyldady.