Qostanaı qalasynda gaz-aýa qospasynyń jarylysynan zardap shekken eki er adam aýrýhanada kóz jumdy, dep habarlaıdy Egemen.kz.
Qostanaı oblysy Densaýlyq saqtaý basqarmasynyń baspasóz hatshysy Ksenııa Jylqybaeva habarlaǵandaı, Borodın kóshesindegi oqıǵa saldarynan zardap shekkender qaıtys boldy.
«О́kinishke oraı, Borodın kóshesindegi jarylystan 1995 jáne 1984 jyly týǵan eki adam da kúıik aýrýynan qaıtys boldy. Kúıik aýrýy - bul aýqymdy kúıik saldarynan damıtyn organdar men júıeler qyzmetiniń keshendi buzylýy», dep habarlady oblystyq vedomstvodan.
Eske sala ketsek, 2021 jyldyń 16 qyrkúıeginde Qostanaıda jeke turǵyn úı aýmaǵynda, garaj jertólesinde jarylys boldy. Zardap shekken eki er adam reanımasııaǵa tústi - ekeýi de úshinshi dárejeli kúıik aldy, bireýinde deneniń - 80%-y, ekinshisinde 35%-y zardap shekti.