Qazaqstan Respýblıkasy Táýelsizdiginiń 30 jyldyǵy aıasynda Shyǵys Qazaqstan oblysynyń ákimdigi Ulybrıtanııanyń Kembrıdj ýnıversıtetiniń Fitzwilliam mýzeıinde «Uly dala altyny» Halyqaralyq kórmesin uıymdastyrýda, dep habarlaıdy Egemen.kz «Berel» memlekettik tarıhı-mádenı qoryq-mýzeıiniń baspasóz qyzmetine silteme jasap.
Kórmeniń ashylý saltanaty 28 qyrkúıekte ótedi dep josparlanýda.
Kórmeniń maqsaty halyqaralyq qaýymdastyqty Qazaqstannyń kóp ǵasyrlyq tarıhy men baı mádenıeti, respýblıka ǵalymdarynyń ǵylymı izdenisteriniń jańa nátıjelerimen tanystyrýǵa múmkindik berý.
Osyǵan oraı Qazaqstan arheologııasy jetistikteri «Gold of Kazakhstan» ekspozısııasynda kórsetiledi, munda Berel qorǵandarynan tabylǵan súıekten, kıizden jáne matadan jasalǵan jylqy ábzelderi kórermender nazaryna usynylady.
- Zertteýshi Zeınolla Samashev 1998 jyly qorǵannyń «patshalyq oba» kezeńin zertteý barysynda №11 nysannan altynmen aptalǵan 13 tulpar men sol zamannyń kósemi bolǵan bekzada men áıeldiń súıegin tapqany belgili. «Berel jylqylary» degen ataýmen belgili bul jylqylar tarıhymyzdyń jaýhar jádigerleriniń biregeıine aınalǵan. Sondaı-aq, erekshe qurylym men jerleý rásimi №36-shy obada tirkelgen bolatyn. Basqa jerde kezdespeıtin bulan tektes súıekten jasalǵan jylqynyń áshekeıi. Bul áshekeıdiń qundylyǵy da altynmen birdeı. Mundaı úlgiler Altaı óńiriniń basqa jerlerinde kezdespeıdi, - dedi «Berel» memlekettik tarıhı-mádenı qoryq-mýzeıi dırektorynyń mindetin atqarýshy Almas Sarbasov.