Jambyl oblysy ákiminiń ókimimen Jambyl oblysy Turar Rysqulov aýdanynyń ákimi bolyp Jarylqasyn Ábdiǵaparuly Aıtaqov taǵaıyndaldy. Bul týraly Jambyl oblysy ákimdiginiń resmı ınternet-resýrsy habarlady.
J.Á.Aıtaqov 1962 jyly týǵan. 1985 jyly Jambyl gıdromelıoratıvtik qurylys ınstıtýtyn, 2004 jyly M.H.Dýlatı atyndaǵy Taraz memlekettik ýnıversıtetin bitirgen. Eńbek jolyn 1985 jyly Reseı Federasııasynyń Kalýga oblysyndaǵy Kondrov jyljymaly mehanıkalandyrylǵan kolonnasynyń ýchaskelik mehanıgi bolyp bastaǵan. 1985-1990 jyldary Jýaly aýdany №15 Býrnyı selolyq kásiptik ýchılıshesinde oqytýshy, dırektordyń orynbasary, 1990-2008 jyldary Jýaly aýdandyq komsomol komıtetiniń birinshi hatshysy, Jýaly aýdany ákiminiń apparatynda uıymdastyrý jumysy bóliminiń meńgerýshisi, apparat basshysy, 2008-2010 jyldary Jýaly aýdany ákiminiń orynbasary, 2010-2011 jyldary Jambyl oblysy ákimi apparatynyń qarjy-sharýashylyq bóliminiń meńgerýshisi qyzmetterin atqarǵan. 2012 jyldyń qańtarynan Jýaly aýdandyq máslıhatynyń hatshysy qyzmetin atqardy.
Ámirhan Almaǵanbetov.
Derekkóz: Jambyl oblysy ákimdiginiń resmı ınternet-resýrsy.
Foto: Jambyl oblysy ákimdiginiń resmı ınternet-resýrsy.