Memleket basshysynyń el halqyna «Qazaqstan joly – 2050: bir maqsat, bir múdde, bir bolashaq» atty bıylǵy Joldaýyna baılanysty kelgen hattar men jedelhattar
Eńbek ujymdarynyń, ǵylymı, mádenı jáne isker toptardyń, Qazaqstannyń úkimettik emes uıymdarynyń ókilderinen, sondaı-aq, sheteldik azamattardan kelip túsken hattarda Memleket basshysynyń jyl saıynǵy Joldaýyna jan-jaqty qoldaý kórsetilip, qazaqstandyqtardyń ál-aýqatyn arttyrýǵa únemi kóńil bólinip otyratyny úshin alǵys bildirilgen, dep habarlady Prezıdenttiń baspasóz qyzmeti.
Memleket basshysynyń el halqyna «Qazaqstan joly – 2050: bir maqsat, bir múdde, bir bolashaq» atty bıylǵy Joldaýyna baılanysty kelgen hattar men jedelhattar
Eńbek ujymdarynyń, ǵylymı, mádenı jáne isker toptardyń, Qazaqstannyń úkimettik emes uıymdarynyń ókilderinen, sondaı-aq, sheteldik azamattardan kelip túsken hattarda Memleket basshysynyń jyl saıynǵy Joldaýyna jan-jaqty qoldaý kórsetilip, qazaqstandyqtardyń ál-aýqatyn arttyrýǵa únemi kóńil bólinip otyratyny úshin alǵys bildirilgen, dep habarlady Prezıdenttiń baspasóz qyzmeti.
О́z hatynda V.Vedıaev burynǵy qazaqstandyqtardyń – Reseı Federasııasy Smolensk oblysy, Petrovo kentiniń turǵyndary atynan olardyń elimizden tysqary jerde turyp jatqanyna qaramastan Memleket basshysynyń Joldaýyn óte muqııat ári maqtanysh sezimine bólene otyryp tyńdaıtyny týraly jazǵan.
Hat ıesi memlekettiń damýynyń basty arqaýynyń biri tarıh pen halyqtyń patrıotızmi bolyp sanalatynyn atap ótken. Osy oraıda, olar jańa qujatty – «Máńgilik El» Patrıottyq aktisin ázirleý jáne qabyldaý týraly sheshimdi ystyq yqylaspen qabyl alǵan.
О́z kezeginde Qazaqstannyń eńbek ujymdary men jekelegen azamattary eńbek adamynyń búkil eldiń ıgiligine úlesin qosýyna múmkindik beretin jan-jaqty qoldaý sharalaryna nazar aýdarǵan.
Atap aıtqanda, Qaraǵandy qalasyndaǵy «Kazahstanskaıa» shahtasynyń, Almaty lokomotıv paıdalaný deposynyń jumysshylarynan, Soltústik Qazaqstan oblysynyń eńbek ardagerleri I.Eleýsizov, A.Lıpov, K.Kalıeva, G.Kýhar, J.Ysqaqovadan kelgen hatta Joldaýda aıtylǵan ınnovasııalyq ekonomıkany damytýdyń mańyzdy baǵdarlamalaryn iske asyrý, eńbek murattary men kásibı sheberlikti qaıta jańǵyrtý jónindegi júıeli sharalar jıyntyǵynyń bolashaqqa senimmen qaraýǵa múmkindik beretini aıtylǵan. Bul pikirler Soltústik Qazaqstan oblysyndaǵy Kırov atyndaǵy zaýyttyń, sondaı-aq, Aqmola oblysyndaǵy kásiporyndardyń – «Stepnogor podshıpnık zaýyty» AQ, «Shýche qazandyq-mehanıkalyq zaýyty» JShS, «Qazger QUS» JShS Stepnıak qus fabrıkasynyń, Býrabaı aýdandyq telekommýnıkasııa óndiristik torabynyń eńbekshilerinen kelgen hattarda da qoldaý tapqan.
«ArselorMıttal Temirtaý» AQ metallýrgteri Memleket basshysynyń eńbek adamy týraly eshqashan umytpaıtynyna erekshe tánti ekendikterin bildirgen.
«Eńbek jolyńyzdy bizdiń kombınatta bastaǵan Siz metallýrgter qalaı turatynyn jaqsy bilesiz ári túsinesiz. Metallýrg eńbegi eshýaqytta da jeńil sanalmaıtynyna qaramastan, biz erteńgi kúnge senimmen qaraımyz», delingen hatta.
Aýyl sharýashylyǵyn damytý máselesiniń asa ózektiligin salanyń Soltústik Qazaqstan oblysy, Ǵabıt Músirepov atyndaǵy aýdanynyń eńbekkerleri atap ótken.
«Biz Joldaýda Qazaqstan et pen sút, sondaı-aq egin sharýashylyǵy ónimderiniń iri óńirlik eksporttaýshylarynyń biri bolýǵa tıis jáne aýyl sharýashylyǵynda bıznesti damytýǵa, fermerlik kooperasııa men jerdi tıimdi paıdalaný úderisine nuqsan keltiretin barlyq kedergiler joıylatyn bolady dep aıtylǵan bóligin zor yqylaspen tyńdadyq», dep jazady hat ıeleri.
Elimizdegi shaǵyn jáne orta bıznes ókilderi, atap aıtqanda, Qaraǵandy oblysynyń Balqash qalasynan hat joldaǵan jeke kásipker D.О́tepova Memleket basshysynyń ózderin tolǵandyratyn máselelerge nazar aýdarǵanyna erekshe toqtalyp ótken.
«Bıylǵy Joldaý urpaqtan-urpaqqa berilip, dástúrge aınalýǵa tıis otbasylyq bıznesti damytýǵa qýatty serpin beredi. Kásipkerler bıznestegi bastamalardy iske asyrýǵa óz úlesterin qosyp, elimiz odan ári qýatty bolyp, al halqymyz molshylyq pen ıgilikte ómir súrýi úshin barlyq kúshterin salatynyna men de senimdimin», delingen hatta. Bul tilekterge Soltústik Qazaqstan oblystyq kásipkerler palatasynyń dırektory N.Kýkýshkına men Aqmola oblysynan «Zarechnyı» JShS basshysy Ý.Áripov te qosylatyndyqtaryn jazǵan.
Sonymen birge, Balqash qalasyndaǵy «Sary Qazyna» JShS ujymy Ekonomıkalyq yntymaqtastyq jáne damý uıymy men Qazaqstannyń belsendi yntymaqtastyǵy el kásiporyndarynyń básekege qabilettiligin arttyra túsetinin atap ótken.
Joldaýdaǵy Qazaqstannyń álemdegi eń damyǵan 30 eldiń qataryna kirýi jónindegi basty maqsatqa qoldaý bildirip, óz pikirin joldaǵandar arasynda Jambyl oblysyndaǵy kardıologııalyq dıspanserdiń bas dárigeri A.Grıvsov ta bar.
«Medısınanyń barlyq salasyn jaqsartý jaıyn oılaıtyn qamqorshy adam retindegi Sizdiń oılaryńyz densaýlyq saqtaý júıesi qyzmetkerine, maǵan túsinikti ári jaqyn», delingen hatta. Petropavl qalalyq áıelder konsýltasııasy, Aqmola oblysyndaǵy Eńbekshilder aýdandyq emhanasy, Soltústik Qazaqstan oblystyq aýrýhanasynyń ujymdary da osyndaı pikirde.
Elimizdiń bilim berý mekemeleriniń ókilderi osy salaǵa Memleket basshysynyń kóńil bólip otyrǵany úshin rızashylyq bildiredi.
Petropavl Klassıkalyq gımnazııasynyń ujymy joldaǵan hatta bilim berý qyzmetkerleriniń eńbekaqysyn 29%-ǵa arttyrý jáne 2017 jylǵa qaraı úsh aýysym boıynsha oqytýdy joıý týraly sheshim orta bilim berý sapasyn arttyryp qana qoımaı, barlyq pedagogtardy yntalandyra túsetini de atap ótilgen. Sondaı-aq, osyndaı pikirge Balqash qalasyndaǵy bilim jáne ǵylym qyzmetkerleri kásipodaqtary qalalyq komıtetiniń tóraıymy G.Kolesnıkova jáne Temirtaý qalasynyń Ortalyq kitaphanalar júıesiniń qyzmetkerleri de qosylady.
H.Dosmuhamedov atyndaǵy Atyraý memlekettik ýnıversıteti, M.H.Dýlatı atyndaǵy Taraz memlekettik ýnıversıteti, Mańǵystaý energetıkalyq kolledji, Atyraý agrarlyq-tehnıkalyq kolledji ujymdary bıylǵy Joldaý elimizdiń birqatar salalaryn damytýǵa, sondaı-aq ǵylymǵa negizdelgen ekonomıkany qurýǵa qýatty serpin beretinine senim bildirgen.
Elimizdiń stýdent jastary, atap aıtqanda, M.Áýezov atyndaǵy Ońtústik Qazaqstan memlekettik ýnıversıtetiniń, Qaraǵandy memlekettik tehnıkalyq ýnıversıtetiniń stýdentteri, Soltústik Qazaqstan oblystyq Stýdentter alıansynyń, Qaraǵandy oblysyndaǵy jastar birlestikteriniń músheleri Memleket basshysynyń árbir Joldaýy mańyzdy ekenin atap ótip, stıpendııany arttyrýdyń josparlanǵanyna rızashylyqtaryn bildirgen.
Aqmola oblysy, Arshaly aýdanyndaǵy jas býynnyń 7 myń ókili atynan Jastar forýmyna qatysýshylar jáne Soltústik Qazaqstan oblystyq «Empırıkalyq áleýmettik tehnologııalar ortalyǵy» QB músheleri «Qazaqstan-2050» Strategııasynda alǵa qoıylǵan mindetterdi iske asyrý úshin barlyq kúshterin salatyndyqtaryna sendirgen.
Memleket basshysy Joldaýyna qoldaý bildirgen pikirler Qazaqstan halqy Assambleıasynyń elimizdiń barlyq óńirindegi ókilderinen de keldi.
Astana qalasyndaǵy Qazaqstan halqy Assambleıasy músheleri táýelsiz memlekettiń qalyptasýy, sondaı-aq elordanyń órkendeýi elimizdegi etnosaralyq kelisim men halyqtyń birligin saqtaý isindegi barlyq etnostardyń kúsh-jigeriniń arqasynda júzege asqanyn atap ótken.
«Biz Qazaqstan halqyn balalarymyzǵa qalatyn turaqty qoǵam, damyǵan qala, beıbit eldi qurýǵa jáne nyǵaıtýǵa shaqyramyz. Bizdiń Otanymyz budan ári de qýatty jáne órkendeı túsýi úshin búgingi kúnniń basty qundylyǵyn – Qazaqstannyń Táýelsizdigin, Astanany, ulttyq birlikti, beıbitshilik pen qoǵamymyzdaǵy kelisimdi saqtaý jáne ulǵaıtý úshin qoldan kelgenniń barlyǵyn isteý mańyzdy!», – delingen hatta.
«Qazaqstan ýkraındary radasy» zańdy tulǵalar birlestigi joldaǵan hatta «Máńgilik El» ulttyq ıdeıasy eldiń bolashaq tabystarynyń negizine aınalatyn qoǵamymyzdyń basty qundylyqtarynyń naqty kórinisi ekeni atap ótilgen.
«Qazaqstan halqy aıqyn jolynan aınymaı júrip keledi, al Otanymyz eýrazııalyq keńistiktegi eń qaýipsiz, jaıly jáne turaqty damý ústindegi eldiń birine aınalýda», dep jazady avtorlar.
Almaty oblystyq ázerbaıjan etnomádenı birlestiginiń tóraıymy A.Osman jáne Qyzylorda oblysynyń ǵylym jáne ıntellıgensııa ókilderi jyl saıynǵy Joldaýda memlekettik tilge erekshe kóńil aýdarylatyny úshin óz alǵystaryn bildirgen.
Joldaýǵa qoldaý bildirgen hat ıeleriniń qatarynda Qazaqstannyń tatar jáne bashqurt qaýymdastyǵynyń, Qazaqstan nemisteri qoǵamdyq birlestikteri qaýymdastyǵynyń, Almaty qalalyq Qazaqstan halqy Assambleıasynyń, Qazaqstan halqy Assambleıasynyń Almaty qalasyndaǵy ǵylymı-sarapshylar tobynyń, Aqmola oblystyq Qazaqstan halqy Assambleıasynyń, Aqmola oblystyq Qazaqstan halqy Assambleıasy ǵylymı-taldaý ortalyǵynyń, Semeı qalasy men Shyǵys Qazaqstan oblysyndaǵy Dostyq úıi etnomádenı birlestikteriniń, Ońtústik Qazaqstan oblysyndaǵy ózbek etnomádenı birlestiginiń, «Aqmola oblysyndaǵy polıaktar birlestigi» QB-niń, Qostanaı oblysyndaǵy «Shark» tájik-ózbek ulttyq-mádenı ortalyǵynyń, Ońtústik Qazaqstan oblysyndaǵy slavıan mádenı ortalyǵynyń músheleri bar.
Buǵan qosa, hattar men jedelhattardy Mańǵystaý oblysyndaǵy etnomádenı birlestikter tóraǵalary, Pavlodar oblysyndaǵy «Slavıandar» bolgar etnomádenı birlestiginiń tóraıymy V.Shatova, Taldyqorǵan nemisteriniń «Vıdergebýrt» qaýymynyń tóraǵasy V.Molodsov, Qazaqstan halqy Assambleıasy Qaraǵandy oblystyq ǵylymı-sarapshylar tobynyń tóraǵasy V.Molotov-Lýchanskıı, Mańǵystaý oblysyndaǵy «Daǵystan» etnomádenı birlestiginiń tóraǵasy Iý.Shahshaev, Atyraý oblysyndaǵy «Tatýlyq» tatar-bashqurt etnomádenı birlestiginiń tóraıymy G.Baıkenova, Pavlodar oblysyndaǵy belarýs etnomádenı ortalyǵy aqsaqaldar keńesiniń tóraǵasy V.Rak, «Vaınah» qaýymdastyǵynyń múshesi Z.Chýmakova joldaǵan.
Joldaýǵa qoldaý bildirgen hattar men jedelhattar elimizdiń úkimettik emes sektorynyń ókilderinen de kelip tústi.
Mysaly, Petropavl qalasyndaǵy «Azamattyq bastamalardy damytý ınstıtýty» QB tóraǵasy A.Esqoja barsha qazaqstandyqtar úshin Joldaý kezekti baǵdar bolyp sanalady dep esepteıdi.
«Túpki nátıje týraly aıqyn túsinigi, maqsaty barlar ǵana óz isinde bıikterge qol jetkize alady. О́z kóshbasshysynyń sońynan kóptegen jyldar boıy ergen qazaqstandyqtardyń maqsaty, múddesi, mindetteri bir, bolashaǵy ortaq», dep jazady hat ıesi.
«Qazaqstannyń musylman áıelder lıgasy» QB Pavlodar oblystyq fılıalynyń, Aqmola oblysynyń Stepnogor qalasyndaǵy Dostyq jáne shyǵarmashylyq úıiniń, Qaraǵandy oblysyndaǵy Temirtaý qalasy ardagerler keńesiniń ókilderi Joldaýdyń áleýmettik salany odan ári damytý týraly tustaryna nazar aýdarǵan. Olardyń pikirinshe, halyqtyń ómir súrý deńgeıin arttyrýǵa jáne áleýmettik kóńil kúıine bul oń áserin tıgizedi. Osy pikirge Soltústik Qazaqstan oblysyndaǵy birqatar uıymdardyń, atap aıtqanda, «Tutynýshylar men kásipkerler quqyǵyn qorǵaý qaýymdastyǵy» QB, «Soltústik Qazaqstan oblystyq isker áıelder qoǵamdastyǵy» QB, Qyzyl Jarty Aı qoǵamynyń oblystyq fılıaly, oblystyq kásipodaqtar keńesiniń qyzmetkerleri de qosylady.
Sondaı-aq, jekelegen azamattardan da pikirler keldi. Olardyń arasynda Aqmola oblysynyń turǵyndary – Sosıalıstik Eńbek Eri S.Jumaǵalıev jáne aqyn, ánshi-kompozıtor I.Tasqarauly bar.
Memleket basshysynyń úzeńgilesteri Temirtaýdan A.Júnisov, J.Arysov, Q.Omashev jáne basqalary Qazaqstan Prezıdentiniń árbir Joldaýy aıryqsha jáne asyǵa kútetin oqıǵa ekenin atap kórsetken.
«Bizdiń memleketimiz áli jas. Biraq halqymyzdyń eń basty qundylyǵy – eńbeksúıgishtik, tózimdilik, birin-biri qurmetteý, beıbitshilik pen kelisim bizge osyndaı qysqa merzimde ekonomıka men saıasatta berik pozısııa ustanǵan, álemdegi bedeldi memleketke aınalýǵa múmkindik berdi», delingen olardyń hatynda.