KSRO kezinde Shyǵys Qazaqstan mys-hımııa kombınatynyń ataǵy dúrildep turǵan. Sonaý 70-jyldardyń basynda oblystyq gazettiń ekonomıka bóliminde qyzmet jasap júrgen kezde atalmysh kásiporynnyń Nıkolaev ken baıytý fabrıkasy respýblıkalyq ekpindi qurylys bolyp jarııalanyp, apta saıyn ǵımarattan jedel reportaj jazýshy edik. Shynynda da, mys pen myryshqa, tústi metaldarǵa baı kásiporynnyń keleshegi kemel bolatyn. Elimiz naryqqa kóshken kezde shıkizat qory asa baı óndiristi ınvestorlar satyp alǵan. Nıkolaev baıytý fabrıkasynan keıin Artemev kenishi 2005 jyly paıdalanýǵa berildi.
KSRO kezinde Shyǵys Qazaqstan mys-hımııa kombınatynyń ataǵy dúrildep turǵan. Sonaý 70-jyldardyń basynda oblystyq gazettiń ekonomıka bóliminde qyzmet jasap júrgen kezde atalmysh kásiporynnyń Nıkolaev ken baıytý fabrıkasy respýblıkalyq ekpindi qurylys bolyp jarııalanyp, apta saıyn ǵımarattan jedel reportaj jazýshy edik. Shynynda da, mys pen myryshqa, tústi metaldarǵa baı kásiporynnyń keleshegi kemel bolatyn. Elimiz naryqqa kóshken kezde shıkizat qory asa baı óndiristi ınvestorlar satyp alǵan. Nıkolaev baıytý fabrıkasynan keıin Artemev kenishi 2005 jyly paıdalanýǵa berildi.
Osydan eki kún buryn Artemev kenishinde eńbek etip jatqan 108 shahter jer betine kóterilmeı, óz narazylyqtaryn basshylarǵa jetkizdi. Sýyt habardy estı salysymen oblys ákimi B.Saparbaev qatty aıaz ben boran-shashynǵa qaramastan Shemonaıha aýdanyna jedel jetti. Janynda oblys prokýrory Baǵban Taıymbetov, oblystyq eńbek ınspeksııasynyń basshysy Baqytbek Qızatov, kásipodaq músheleri bar. Ile-shala «Qazaqmys» korporasııasy JShS basqarma tóraǵasy Edýard Ogaı kelip jetti. Barlyǵynyń basy qosylǵan soń 500 metr tereńdikke tústi.
Shahterler «Qazaqmys» basshysyn salqyn qarsy aldy. Narazylyq bildirýshi top pen «Qazaqmys» basshysy, oblys ákimi dóńgelek ústel basynda ashyq áńgimeni bastady. Berdibek Máshbekuly olardy sabyrǵa shaqyryp, mán-jaıdan tolyq habardar etýdi surady.
– Kásiporynnyń qýaty jyl saıyn artyp keledi. Bir jylda 1,5 mıllıon tonna mys-myrysh, qorǵasyn keni bar polımetall shıkizatyn óndiredi ekenbiz. Al shahterler eńbeginiń óte aýyr ekenin bilesizder. Jalaqy mardymsyz, eńbek sharttary oryndala bermeıdi, qaıǵyly jaǵdaıǵa jol berip alǵandardyń kóterme syılyǵyn alyp tastaıdy. Vahtalyq ádispen eńbek etetinderdiń jolyna qarjy bermeıdi. Sondyqtan biz Elbasy Joldaýynda aıtylǵandaı, áleýmettik jaǵdaıdyń rettelýin, jalaqynyń kóbeıýin, óndiristik jaraqat alǵan kezde túrli ótemderdiń tólenýin talap etemiz, – dedi on jyldan beri jeti qabat jerdiń astynda eńbek etip kele jatqan prohodshy Seıitbattal Dálelhanuly.
О́ńir basshysy Berdibek Máshbekuly shahterler talaby oryndy ekenin, «Qazaqmys» basshylarymen birge keńesip, kenshiler eńbeginiń eskeriletinin, talapty oryndaý úshin ýaqyt kerek ekenin, al qazir jer betine kóterilýin surady. Sonymen, eki komıssııa quryldy. Oǵan narazy top ókilderi, quqyq qorǵaý organdary, atqarýshy bılik jáne aqparat quraldary ókilderi kirdi. Komıssııa 15 aqpanǵa deıin tekserýdi aıaqtamaq.
Sonymen, shahterler narazylyǵyn toqtatyp, úılerine tarady. Kenshilerdiń barlyǵy óńir basshysy B.Saparbaevtyń durys sheshim qabyldaǵanyna rızashylyqtaryn bildirdi.
Ońdasyn ELÝBAI,
«Egemen Qazaqstan».
Shyǵys Qazaqstan oblysy,
Shemonaıha aýdany.