Qazaq Eli!
Máńgilik El – bir atym!
Máńgi jasaý – jalǵyz ǵana muratym.
Aı meniki sútteı aq bop týatyn,
Kún meniki kúlimsirep shyǵatyn.
Minip alyp arman atty pyraqqa,
Jetem áli jurt jetpegen muratqa.
Sónse sóner jypyrlaǵan juldyzdar,
Kún sónbeıdi, Aı sónbeıdi biraq ta.
Aryn satpas arýym bar bal qylyq,
Narym derlik sapta turǵan ár jigit.
Ana tilim, baba dilim, dástúrim –
Mendeginiń barlyǵy da máńgilik.
Ońalmassyń oq atqanmen tasamnan,
Qulpytastyń qupııasyn asha alǵam.
Meniń sózim myńjyldyqtar qoınynda
Kók túriktiń kók tasyna qashalǵan.
Keń dalasyn kúzetem dep Turannyń,
Kókten Jerge kóz qadaǵan qyranmyn.
Qaharymnan qutylýy qıyn-aq
Qutty Elime qastyq qylǵan bir ańnyń.
Bul dalaǵa bursa bireý atbasyn,
Bosaǵamnan basyn ıip attasyn.
Qara nıet, teris pıǵyl dushpanym
Qaıtsyn qaqpaı
«Máńgilik El» qaqpasyn.
San ǵasyrlyq tarıhymmen
syrlastym,
Syrlas bolyp, talaı asý,
qyrdy astym.
Meniń atym – «Máńgilik El»!
Sondyqtan,
Jalǵyz ǵana Máńgilikpen qurdaspyn!
Serik SEIITMAN.
ASTANA.