Teatr jáne konsert maýsymdarynyń bastalýymen elordanyń mádenıet mekemeleri kún saıyn qala turǵyndary men qonaqtaryn óz qoıylymdarymen jáne baǵdarlamalarymen qýantady, dep habarlaıdy Egemen.kz.
Osy aptada olar jańa spektaklder, konserttik qoıylymdar usynady. Bul rette sanıtarlyq normalar men karantın talaptaryn qatań saqtaı otyryp ótkiziledi.
Elordalyq «Jastar» teatry 21 jáne 22 qyrkúıek kúnderi saǵat 19:00-de T.Mınnýllınniń «Dılıafrýzdyń tórt kúıi» komedııasyn kórsetedi. 23 qyrkúıekte jas kórermenderge «Ur toqpaq» atty qazaq halyq ertegisi usynylady. Kórsetilimder saǵat 12:00 jáne 14:00-de ótedi. 24 jáne 25 qyrkúıek kúnderi keshke teatr ártisteri S.Qasymbektiń «Lıft» psıhologııalyq dramasymen óner kórsetedi. Elordalyq qýyrshaq teatry qazaq halyq eposynyń jelisi boıynsha «Er Tóstik» ertegisin tamashalaýǵa shaqyrady.
24 qyrkúıekte qoıylym saǵat 16:00-de, 25 jáne 26 qyrkúıekte saǵat 12:00-de, 14:00-de jáne 16:00-de kórsetiledi.
M.Gorkıı atyndaǵy memlekettik akademııalyq orys drama teatry 22 qyrkúıek kúni saǵat 11:00 jáne 14:00-de kishi zal sahnasynda A.Boldınovtyń «Prıklıýchenııa Aıstenka» ertegisin usynady.
24 qyrkúıekte saǵat 19:00-de 121-shi teatr maýsymynyń resmı ashylýy bolady, onda Gorkıı N.Gogoldiń «Gogol. Peterbýrg», «Peterbýrgskıh povesteı» negizinde premeralyq qoıylym qoıady. Tústen keıin olar R. Baerdiń «Smeshannye chývstva» melodramasyn kórsetedi.
21 qyrkúıek kúni astanalyq sırktiń Instagram paraqshasynda sırk ártisi Halıl Kamashevtiń sheberlik sabaǵyn kórýge bolady. Elordanyń memlekettik akademııalyq fılarmonııasy kórermenderdi el Táýelsizdiginiń 30 jyldyǵyna arnalǵan Qazaq orkestriniń XXV konserttik maýsymynyń ashylýyna oraılastyrylǵan «Máńgilik el» konsertine shaqyrady. Mýzykalyq kesh 24 qyrkúıekte «Astana» konsert zalynda ótedi.
22 qyrkúıekte «Naz» bı teatrynda Saryarqa aýdanynyń kámeletke tolmaǵandardyń isteri jónindegi ınspektoryn tarta otyryp, «Kámeletke tolmaǵan balalardyń quqyqtary, úıden tys jerde balanyń quqyqtaryn qorǵaý» taqyrybynda dáris ótkiziledi.
Kún saıyn jumys kúnderi Beıbitshilik jáne kelisim saraıynda «Týǵan jer» balalar-jasóspirimder stýdııasy horeografııa, hor, solfedjıo, akterlik sheberlik jáne t.b. boıynsha sabaqtar ótkizedi. Saraıdyń 6-qabatynda ornalasqan «Qulanshy» zamanaýı óner ortalyǵy qonaqtardy 24 qyrkúıekke deıin saǵat 10.00-den 18.00-ge deıin jumys isteıtin «ONA» beıneleý óneri kórmesine shaqyrady. Ortalyqtandyrylǵan kitaphana júıesi óz oqyrmandary úshin onlaın jáne oflaın rejıminde kóptegen is-sharalar daıyndady.
Elordanyń barlyq derlik kitaphanalarynda kitap kórmeleri, ádebı saǵattar, tanymdyq, taqyryptyq sóreler, sýretter kórmeleri, ekskýrsııalar ótedi. Olar Qazaqstan halqynyń tilder kúnine arnalady.