«Talıban» ókili men Aqparat jáne mádenıet mınıstriniń orynbasary Zabıhýlla Mýdjahıd aýǵan qyzdary múmkindiginshe tezirek mektepterdegi oqýlaryna oralatynyn málimdedi, dep habarlaıdy Egemen.kz TOLO News-ke silteme jasap.
«Qyzdar óz oqýlaryna qaıta oralýy úshin yńǵaıly jaǵdaı jasaý ústindemiz Bul múmkindiginshe tezirek iske asatyn bolady», dedi Mýdjahıd baspasóz máslıhatynda.
Buǵan deıin Aýǵanstannyń jańa bilim mınıstrligi er oqýshylar men muǵalimderdi mektepterge oralýǵa mindettegeni týraly habarlanǵan bolatyn. Alaıda qyzdardyń mektepterde odan ári bilim alý perspektıvalary týraly eshteńe aıtylmady.
Mýdjahıd ótken aptada izgilikti nasıhattaý jáne jamandyqty boldyrmaý maqsatynda qurylǵan áıelder isteri mınıstrligimen bolǵan jaǵdaıǵa eshqandaı túsinikteme bergen joq. Ol Talıban áıelderge bilim berý jáne jumys máselelerin sheshýge, sondaı-aq osy proseste olardyń qaýipsizdigin qamtamasyz etýge ýaqyt qajet ekenin atap ótti.