Tıimdilik tetigi – sapaly jumys

«Batys» óńirlik qolbas­shy­lyǵynyń áskerı qyzmetshileri Qazaqstan Respýblıkasynyń Prezıdenti Nursultan Na­zar­baevtyń «Qazaqstan joly – 2050: bir maqsat, bir múdde, bir bo­lashaq» atty Joldaýyna baılanysty jıyn ótkizdi. «Batys» óńirlik qolbas­shy­lyǵy áskerleriniń qolbasshysy pol­kovnık Murat Nuǵmanov gar­nızon áskerı bólimderi men mekemeleri jeke quramymen áńgimelesý barysynda Memleket basshysy Joldaýynyń mańyzyna jan-jaqty toqtaldy. Joǵarǵy Bas qolbasshy: «Stra­tegııa – bul qazaq­stan­dyq­tardyń ómirin jáne elimizdiń órkendeýin kún saıyn, jyl saıyn jaqsartatyn naqty isterdiń baǵdarlamasy. Sonymen birge, oń nátıjege jetý úshin árbir adam tıimdi jumys isteýi tıis. Mem­lekettiń basty mindeti – naq­ty jaǵdaı jasaý», dedi. Jáne de bizder, áskerı qyzmetshiler úshin qajetti barlyq jaǵdaılar ja­salǵan. Joǵarǵy Bas qolbas­shynyń tapsyrmasy boıynsha áskerı qyzmetshiler baspanamen qamtamasyz etilgen, Qazaqstan armııasy qazirgi zamanǵy áskerı tehnıkamen, qarý-jaraqpen jab­dyqtalǵan. Sondaı-aq, jınalys barysynda Elbasy Joldaýynyń negizgi baǵyttaryn júzege asyrýǵa baılanysty jumystardyń negizgi mejeleri belgilendi. Aqtóbe garnızony áskerı qyzmetshileri Memleket basshysynyń ıdeıa­lary ózderine qanat bitir­gen­digin jáne Qazaqstan Respýb­lıkasynyń álemniń eń damyǵan 30 memleketiniń qataryna qosy­lýyna ózderi taraptary­nan bar kúsh-jigerlerin arnaı­tyn­dyqtaryn atap ótti. Satybaldy SÁÝIRBAI, «Egemen Qazaqstan». AQTО́BE.