Tapsyrmalardy oryndaýǵa talpynys zor

Keshe Ortalyq kommýnıkasııalar qyzmetinde ótken kezekti brıfıngte Kólik jáne kommýnıkasııalar mınıstri Asqar Jumaǵalıev qatysty. Onda ol Joldaýda aıtylǵan tapsyrmalardy iske asyrý josparlary jóninde baıandady. «Jaqynda Elbasy Kólik ın­fraqurylymyn damytýdyń 2020 jylǵa deıingi memlekettik baǵdarlamasyn bekitti. Bul­ Qazaqstannyń kólik ınfraqu­ry­lymyn damytýdyń alǵashqy keshendi baǵdarlamasy», degen mınıstr baǵdarlama boıynsha elimizdiń kólik júıesi básekelestigi artatynyn atap ótti. Onymen qosa óńirler arasyndaǵy ınfra­qury­lymdyq baılanys qamtamasyz etiledi, respýblıkanyń kólik júıesi álemdik júıege ıntegrasııalanady. Sondaı-aq, ol Qazaqstan arqyly tranzıttik tasymal 2020 jylǵa qaraı 2 esege, al 2050 jylǵa qaraı 10 esege artatynyn málimdedi. Jalpy, baǵdarlama barysynda júzege asyrylatyn jumystardyń nátıjesinde júk jáne jolaýshy aınalymy 1,5 ese, al tranzıttik júk kólemi 2 esege artpaq. «Elbasy Joldaýynda respýb­lıkanyń tranzıttik áleýetin 2030 jylǵa deıin damytýǵa baılanysty taǵy birqatar tapsyrmalar bergen bolatyn. Sol úshin biz qazir sharalar josparyn ázirlep jatyrmyz. Onda tranzıttik áleýetti arttyrýǵa, ınfraqurylymdyq shek­teýlerdi joıýǵa, sonymen birge, halyqaralyq saýda ja­saý barysyndaǵy ákimshilik keder­gilerdi joıý jáne de logıstıka men dıstrıbýsııanyń qazirgi zamanǵy otandyq ortalyqtaryn damytý sharalary eskeriledi», dedi mınıstr. Elbasy Joldaýynda shekaralarymyzda kólik quraldarynyń shoǵyrlanyp qalý máselesin birjola sheshýdi tapsyrǵan dep toqtalǵan A.Jumaǵalıev bul úshin kedendik óńdeý merzimin qysqartý, shekaralyq ótpelerdiń ótkizý qabiletin arttyrý, eksport-ımport operasııalaryn ońaılatý qajettigin basa aıtty. Atalmysh máseleni sheshý úshin Qazaqstannyń shekarasynda ornalasqan kedendik ótkizý beketterin baılanystyra kóliktik-logıstıkalyq ortalyqtaryn salý josparlanýda. Sonymen qosa, kedendik baqylaý jáne kedendik deklarasııa, júk óńdeý jáne qosymsha qyzmet kórsetý, logıstıkalyq qyzmet kórsetý máselelerin tike­leı ótkizý beketterinde jasaýdy, sonymen birge, post-keden ba­qylaý júıesin engizý máselesi qa­rastyrylyp jatyr eken. Munymen qatar, mınıstrlik saýda rásimderi móldirligin arttyrý maqsatynda avtomattandyrýdy qolǵa alypty. О́tken jyly sybaılas jemqor­lyq­ty joıý maqsatymen 13 avtomatty salmaq ólsheý arkalaryn ornatypty, kóliktik baqylaýdyń 11 turaqty beketin japqan. Bul tasymaldaýshylardyń laýazymdy tulǵalarmen tikeleı júzdesýin boldyrmaıdy jáne júk qozǵalysynyń jyldamdyǵyn arttyrady. Bıylǵy jyly osyndaı arkalar sany 31-ge jetedi, al keleshekte taǵy 80 arka salynady dep josparlanýda. Júk aǵynyn arttyrý maqsatyn­da azamattyq avıasııa jáne temirjol salalaryn avtomattandyrý jóninde biraz sharalar josparlanǵan. Al temirjol tasymaly salasynda «Kelisimdi jáne kommersııalyq jumys» avtomatty basqarý aqparattyq júıesin engizý qolǵa alynýda. Ol «bir tereze» prınsıpi boıynsha ótinimdi óńdeý merzimin 3 táýlikten 3 mınótke deıin qysqartady. Aıtylǵan sharalar bıznes-qoǵamdastyǵynan ákimshilik kedergilerdi alyp tastaýǵa, kedendik operasııalardy jyldamdatýǵa, qazaqstandyq tasymaldaýshylardyń álemdik rynoktaǵy básekelestik qabiletin arttyrýǵa, jalpy, syrtqy ekonomıkalyq qyzmet múshelerine qolaıly jaǵdaı týdyrýǵa múmkindik ashady. A.Jumaǵalıev baıandamasynyń qorytyndysynda Elbasy tapsyrmalaryna oraı qolǵa alatyn sharalar legi munymen shektelmeıtinin aıtyp ótti. Iаǵnı atqarylǵan jumys az emes, al alda atqarylar jumystar odan da kóp. Dınara BITIKOVA, «Egemen Qazaqstan».