QR Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıtetiniń derekteri boıynsha, bıylǵy jyldyń segiz aıynda óndiristegi jazataıym oqıǵalardyń nátıjesinde 938 qyzmetker zardap shekti, onyń 114-i qaıtys boldy, dep jazady Egemen.kz.
Osylaısha, óndiristik jaraqattaný deńgeıi 2020 jyldyń tıisti kezeńimen salystyrǵanda 2,9%-ǵa ósti. О́tken jyldyń 8 aıynda 912 adam zardap shekken edi. Bul rette óndiristik jaraqattan qaza tapqandar deregi 12,3%-ǵa tómendedi. Byltyr osy kezeńde óndiriste 130 adam mert bolǵan.
Qaraǵandy (169 adam zardap shekti), Shyǵys Qazaqstan (111 adam), Pavlodar (77 adam), Qostanaı (73 adam), Aqtóbe (72 adam) oblystarynda tirkelgen derek kóp.
Kóbinese taý-ken-metallýrgııa kesheniniń kásiporyndarynda (134 adam (19,4%) jáne qurylys salasynda (80 adam (11,6%) isteıtin qyzmetkerler jiı jaraqattanady.