Parlament Májilisiniń jalpy otyrysynda «Táýelsiz Memleketter Dostastyǵyna qatysýshy memleketter qarýly kúshteriniń birlesken baılanys júıesi týraly kelisimdi ratıfıkasııalaý týraly» zań jobasy maquldandy, dep habarlaıdy Egemen.kz.
TMD-ǵa qatysýshy memleketter qarýly kúshteriniń birlesken baılanys júıesi týraly kelisim 2020 jylǵy 29 mamyrda jasaldy.
Onyń negizgi mindetteri: qarýly kúshter basqarý júıesinde jáne qarýly kúshter arasynda talap etiletin baılanys qyzmetterin usyný ári aqparattyń barlyq túrlerimen almasýdy qamtamasyz etý;
Táýelsiz Memleketter Dostastyǵy formatynda qurylǵan áskerı saladaǵy ózara is-qımyldyń birikken júıeleriniń jumys isteýin qamtamasyz etý, baılanysqa ortaq paıdalanylatyn ulttyq baılanys jelileri men arnaıy maqsattaǵy baılanys jelilerimen qajetti úılesimdilikke qoıylatyn talaptardyń oryndalýyn qamtamasyz etý;
«Birlesken baılanys júıesiniń jumys isteýin qamtamasyz etý maqsatynda taraptardyń ókiletti organdary osy kelisimge qatysýshy memleketterdiń qorǵanysqa muqtaj jáne qaýipsizdikti qamtamasyz etý úshin baılanys qyzmetterin kórsetýge baılanysty qatynastardy retteıtin normatıvtik-quqyqtyq aktilerine sáıkes, osy kelisimge qatysýshy memleketter qarýly kúshteriniń baılanys jelileri resýrstaryn paıdalana alady. Biryńǵaı tehnıkalyq tásilder jáne qazirgi zamanǵy áskerı tehnıkamen, baılanys jabdyǵymen basym túrde jaraqtandyrý negizinde qurylyp jatqan baılanystyń birlesken júıesi memleketter qarýly kúshteriniń jaýyngerlik daıarlyǵyn arttyrady», dedi QR Qorǵanys mınıstriniń orynbasary Tımýr Dándibaev.