QR Mádenıet jáne sport mınıstriniń orynbasary Ǵabıdolla Ábdirahmanov málim etkendeı, Qazaqstanda arhıvtik qujattardy sıfrlyq formatta saqtaıtyn jańa aqparattyq júıe engizildi, dep habarlaıdy Egemen.kz.
«Osy ýaqytqa deıin muraǵatshy mamandyǵyna jiti kóńil bólinbeı keldi. Onyń ishinde memlekettik organdar tarapynan da nazar az aýdaryldy. Qazir biz «E-arhıv» jańa aqparattyq júıesin engizýdemiz. Onyń negizinde barlyq memlekettik organdardan derekter bazasy jáne elektrondyq arhıvpen jumys isteı alatyn joǵary bilikti IT-tehnologııalardy meńgergen mamandardyń jumys isteýi talap etiledi. Memleket basshysy Joldaýda arhıv qyzmetkerleriniń jalaqysymen qosa biliktiligin de arttyrýdy mindettedi. Jalpy arhıv jumysyn zamanaýı túrde ilgeriletýdegi mańyzdy baǵyttyń biri ony sıfrlyq formatqa aýystyrý. Iаǵnı, barlyq qujattardy elektrondy formatta saqtaýymyz qajet», dedi Ǵ. Ábdirahmanov.
Sondaı-aq vıse-mınıstr Memleket basshysy sheteldegi elimizge qatysty arhıv qujattaryn zertteýdi tapsyrǵanyn eske saldy.
«Prezıdenttiń osy tapsyrmasyna sáıkes, arnaıy keshendi jospar qabyldandy. Jospar aıasynda bizdiń mamandar sheteldik muraǵattarǵa baryp, ondaǵy qundy qujattarmen tanysyp jatyr», deıdi ol.