Qazaqstannyń Tuńǵysh Prezıdenti - Elbasy Nursultan Nazarbaev «Edınaıa Rossııa» Tóraǵasy Dmıtrıı Medvedevti partııanyń saılaýdaǵy jeńisimen quttyqtady, dep habarlaıdy Egemen.kz.
Memlekettik Dýmanyń segizinshi shaqyrylymyndaǵy depýtattardy saılaýdaǵy «Edınaıa Rossııa» partııasynyń jeńisi jarqyn jáne senimdi boldy. Muny Qazaqstannyń Nur Otan jetekshi partııasynyń Tóraǵasy Nursultan Nazarbaev «Edınaıa Rossııa» Tóraǵasy Dmıtrıı Medvedevke joldaǵan hatynda atap ótti.
Nursultan Nazarbaev atap ótkendeı,«bıleýshi partııaǵa óz daýysyn bere otyryp, Reseı halqy kezekti ret kúshti memleketti odan ári jańǵyrtýǵa, jedel áleýmettik-ekonomıkalyq damýǵa, qaýipsizdikti nyǵaıtýǵa jáne eldiń halyqaralyq arenadaǵy mańyzdy rólin arttyrýǵa baǵyttalǵan saıasatqa óziniń berik qoldaýyn bildirdi».
Onyń aıtýynsha, «Edınaıa Rossııa» kandıdattary ashyq jáne básekege qabiletti kúreste kóptegen azamattardyń senim mandatyn aldy.
«Edınaıa Rossııa» atynan bolashaq shaqyrylǵan Memlekettik Dýmanyń depýtattary siz basqaratyn partııanyń saılaýaldy baǵdarlamasyn tıimdi jáne tolyq iske asyrý úshin qajet nárseniń bárin jasaıdy», dedi Nur Otan partııasynyń tóraǵasy.
17-19 qyrkúıek aralyǵynda Memlekettik Dýmaǵa saılaýmen qatar Reseı Federasııasynyń toǵyz sýbektisiniń basshylary men 39 aımaqtyq parlamenttiń tikeleı saılaýy ótti.
Reseı prezıdenti Vladımır Pýtınniń usynysy boıynsha federaldy tizimdi bes adam basqardy - Qorǵanys mınıstri Sergeı Shoıgý, Syrtqy ister mınıstri Sergeı Lavrov, Kommýnarkadaǵy aýrýhananyń bas dárigeri Denıs Prosenko, ONF ortalyq shtabynyń teń tóraǵasy Elena Shmeleva jáne Reseı Prezıdenti janyndaǵy bala quqyǵyn qorǵaý jónindegi ýákil Anna Kýznesova.