Qazaqstandyq sınoptıkter 23 qyrkúıekke arnalǵan aýa raıy boljamyn usyndy, dep habarlaıdy Egemen.kz.
«Qazaqstannyń batysynda, ońtústik-batysy men soltústiginde, sondaı-aq ońtústik-shyǵysynyń taýly aýdandarynda frontaldyq bólikterdiń yqpalymen aýa raıynyń turaqsyz sıpaty saqtalady, osyǵan baılanysty jańbyr jaýady, eldiń ońtústik-batysynda jáne ońtústik-shyǵysynyń taýly aýdandarynda naızaǵaı oınap, soltústikte azdaǵan jaýyn-shashyn bolady. Respýblıkanyń qalǵan aýmaǵynda jaýyn-shashynsyz aýa raıy kútiledi. Batysta, ońtústik-batysta jáne ońtústik-shyǵystyń taýly aýdandarynda jeldiń kúsheıýi, batysta jáne ońtústik-batysta - shańdy daýyl, respýblıkanyń soltústiginde, soltústik-batysynda, ońtústik-batysynda - tuman kútiledi», dep jazady «Qazgıdromet» RMK.
Mańǵystaý oblysynyń batysy men ortalyǵynda kún kúrkireıdi, túnde jáne tańerteń jaǵalaýda tuman túsedi, kúndiz oblystyń soltústik-shyǵysynda shańdy daýylmen 15-20 m/s jel kúsheıedi.
Túnde Jambyl oblysynyń taýly aýdandarynda naızaǵaı oınap, jel 15-20 m/s kúsheıedi.
Kúndiz Qyzylorda oblysynyń soltústik-batysynda jáne ortalyǵynda jel 15-20 m/s kúsheıedi.
Kúndiz Atyraý oblysynyń ońtústik-shyǵysynda shańdy daýyl kútiledi, túnde ońtústikte jáne ortalyqta, kúndiz basym bóliginde jel 15-20 m/s kúsheıedi.
Batys Qazaqstan oblysynyń ońtústiginde, ońtústik-batysynda, kúndiz Aqtóbe oblysynyń ońtústiginde jáne batysynda 15-20 m/s jel turady.
Pavlodar oblysynyń soltústiginde jáne batysynda, túnde jáne tańerteń Qostanaı, Soltústik Qazaqstan oblystarynyń soltústiginde, soltústik-batysynda, Aqmola oblysynyń soltústik-batysynda, ońtústik-shyǵysynda, Shyǵys Qazaqstan oblysynyń soltústik-shyǵysynda tuman kútiledi.
Túnde soltústikte, Almaty, Jambyl oblystarynyń taýly jáne taý bókterindegi aýdandarynda topyraq betinde 1-3 gradýs úsik kútiledi.
«Túrkistan, Qyzylorda, Almaty oblystarynyń basym bóliginde, Aqtóbe, Qaraǵandy, Shyǵys Qazaqstan oblystarynyń ońtústiginde tótenshe órt qaýpi saqtalady», deıdi «Qazgıdromet» RMK.