Eýrokomıssııa «QazStandartty» Qazaqstanda sharap sertıfıkatyn berýge quziretti organdardyń tizimine engizdi. Endi otandyq sharap óndirýshilerge Eýropaǵa sharap eksporttaý jeńildeıdi, dep jazady Egemen.kz.
«Eýropalyq Odaq elderine sharap, júzim nemese júzim shyrynyn ımporttaý endi VI-1 nysanyndaǵy sertıfıkatpen birge júrýi kerek, ol 2 bólikten turady: taýarlardyń naqty toptamasynyń jalpy málimetteri kórsetilgen sertıfıkat jáne zerthanalyq synaý nátıjesi. Bul sertıfıkat jetkiziletin sharap sapasynyń sáıkestigin rastaıdy jáne ónimniń EO-da satylýyna jol ashady», dep habarlaıdy Saýda jáne ıntegrasııa mınıstrligi.
Endi qazaqstandyq sharap jasaýshylardyń ónimin eksporttaýǵa jáne naryǵyn keńeıtýge múmkindigi artady.