Ulybrıtanııa men Ońtústik Koreıa úkimetteri koronavırýsqa qarsy 1 mıllıonnan astam vaksınany almastyrýǵa kelisti, dep habarlaıdy Egemen.kz.
Ulybrıtanııa aldaǵy aptalarda Koreıaǵa Pfizer vaksınasynyń birinshi partııasyn jiberedi. Al ekinshi atalǵan el jyl sońyna deıin sol kólemde vaksına qaıtarady.
Bul vaksına Ulybrıtanııa úshin ázirge asa qajet emes. Biraq olardy Ońtústik Koreıada tezirek qoldanýǵa bolady.
«Biz Ońtústik Koreıadaǵy dostarymyzben tyǵyz jumys jasaımyz jáne bul almasý Ulybrıtanııanyń vaksınasııalaý baǵdarlamasyna áser etpeıdi», dedi Ulybrıtanııanyń densaýlyq saqtaý mınıstri Sadjıd Djavıd.
Ulybrıtanııa úkimeti koronavırýsqa baılanysty jaǵdaı ýshyǵyp ketken jaǵdaıda, dálirek aıtsaq, eger aýrýǵa shaldyǵý qys mezgiline deıin tómendemese «V josparyna» kóshedi.
«V josparyna» sáıkes mindetti maska rejımin engizý, vaksınasııa pasporttaryn tekserý, sondaı-aq qashyqtan jumys rejimin qalpyna keltirý qarastyrylady.